Iovani 2:15 - Rapa Nui

¹⁵ I takeꞌa era e Ietū, he toꞌo mai i te taura, he haka pā mo ꞌuaka, ꞌai ka tū-tute tahi i tū nuꞌu era mai roto koia ko te rāua puaꞌa ꞌe ko te rāua māmoe. He haka marere tahi e Ietū i te tara ꞌaurī o te nuꞌu taui moni koia ko huri-huri i te ꞌamuramaꞌa.

Iovani 2:15 ပူးပေါင်းရင်းမြစ်များ

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

Iovani 18:6

I kī era e Ietū: «Ko au nā kope», he neke tahi a tuꞌa ꞌe he hī-hiŋa rō atu ꞌai.

Māteo 21:12

He uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute i te nuꞌu taꞌatoꞌa hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni ꞌe pē ira takoꞌa ꞌā i te pepe o te nuꞌu hoꞌo pāroma,

Iovani 2:14

He takeꞌa ꞌi roto i te ⌊Kona Haꞌamuri ꞌAtua⌋ i te nuꞌu hoꞌo puaꞌa, māmoe ꞌe manu, ꞌe i te nuꞌu taui moni e no-noho rō ꞌana.

Iovani 2:16

ꞌE ki te nuꞌu hoꞌo manu i kī ai: «¡Ka toꞌo te meꞌe ena mai nei! ¡ꞌIna ko haꞌariro te kona haꞌamuri ki tōꞌoku Matuꞌa he kona hoꞌo meꞌe o kōrua!».

Aŋa o te ꞌĀpōtoro 27:32

He hore ia e tū ŋā vaꞌehau era i te taura o te vaka ꞌe he haka rē mo viri ki roto i te vai.