Iovani 2:14 - Rapa Nui

¹⁴ He takeꞌa ꞌi roto i te ⌊Kona Haꞌamuri ꞌAtua⌋ i te nuꞌu hoꞌo puaꞌa, māmoe ꞌe manu, ꞌe i te nuꞌu taui moni e no-noho rō ꞌana.

Iovani 2:14 ပူးပေါင်းရင်းမြစ်များ

Marko 11:15

I tuꞌu era ki Hērutarema, he uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute ki haho i te nuꞌu hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni, ꞌe pē ira takoꞌa ꞌā i te pepe o te nuꞌu hoꞌo pāroma,

Marko 11:17

He haꞌamata ia a Ietū he hāpī: «Nā ꞌi ruŋa i te ⌊Pāpaꞌi Moꞌa⌋ e hāꞌaki ena te vānaŋa o te ꞌAtua pē nei ē: “Tōꞌoku hare e kī rō: ‘he hare mo pure mo te hau taꞌatoꞌa’”, ꞌe ko haka riro ꞌā e kōrua he ꞌana o te toke-toke».

Iovani 2:15

I takeꞌa era e Ietū, he toꞌo mai i te taura, he haka pā mo ꞌuaka, ꞌai ka tū-tute tahi i tū nuꞌu era mai roto koia ko te rāua puaꞌa ꞌe ko te rāua māmoe. He haka marere tahi e Ietū i te tara ꞌaurī o te nuꞌu taui moni koia ko huri-huri i te ꞌamuramaꞌa.