Iovani 2:13 - Rapa Nui

¹³ ꞌI te meꞌe era ko hāhine ꞌana te ⌊ŋoŋoro o te hūrio he Pakate⌋, he eꞌa he oho a Ietū ki Hērutarema.

Iovani 2:13 ပူးပေါင်းရင်းမြစ်များ

Māteo 21:12

He uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute i te nuꞌu taꞌatoꞌa hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni ꞌe pē ira takoꞌa ꞌā i te pepe o te nuꞌu hoꞌo pāroma,

Marko 11:15

I tuꞌu era ki Hērutarema, he uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute ki haho i te nuꞌu hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni, ꞌe pē ira takoꞌa ꞌā i te pepe o te nuꞌu hoꞌo pāroma,

Ruka 19:45

He uru a Ietū ki roto i te Kona Haꞌamuri ꞌAtua, ꞌe mai roto i tū-tute tahi ai i te nuꞌu hoꞌo i te rāua meꞌe ꞌi roto

Ruka 2:41

Paurō te matahiti e oho era a Kōsē ararua ko Māria ki Hērutarema ki te ⌊ŋoŋoro o te Pakate⌋, pa he meꞌe rava aŋa e te hūrio ꞌi rā ŋoŋoro. I tano era te hoꞌe ꞌahuru mā piti matahiti o Ietū, he maꞌu takoꞌa e kuā Kōsē ꞌi muri i a rāua.

Iovani 11:55

Mahana taꞌe rahi nō te mahana toe mo te ⌊ŋoŋoro o te Pakate⌋, ꞌe meꞌe rahi taŋata e oho era ki Hērutarema mo ⌊haka maꞌitaki⌋ i a rāua pa he meꞌe kī e te rāua haka tere iŋa, he meꞌe raꞌe o rāua mo aŋa ki te tuꞌu iŋa mai o rā ŋoŋoro.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 2:23

ꞌI te hora o Ietū ꞌi Hērutarema mo te ŋoŋoro o te Pakate, nuꞌu rahi te nuꞌu i ⌊haka moe i te manaꞌu⌋ ꞌi ruŋa i a ia ꞌo te takeꞌa i te mana e aŋa era.

Iovani 5:1

Ko rahi atu ꞌana te mahana, he hoki a Ietū ki Hērutarema ki te ŋoŋoro e tahi o te ⌊hūrio⌋.

Iovani 6:4

Te ⌊ŋoŋoro o te Pakate⌋ ko hāhine ꞌā.