Iovani 2:10 - Rapa Nui

¹⁰ ꞌe he kī: «Taꞌatoꞌa taŋata ꞌi raꞌe e vaꞌai ena i te ꞌava riva-riva mo unu. Ki rahi te unu o te taŋata, e vaꞌai iho ena i te ꞌava taꞌe riva-riva rahi. ꞌE, a koe ko hāpaꞌo ꞌana i te ꞌava hopeꞌa o te riva-riva mo te hora nei».

Iovani 2:10 ပူးပေါင်းရင်းမြစ်များ

Māteo 24:49

he haꞌamata he tōtōā i te tētahi tāvini ꞌe he piri ki te nuꞌu taꞌero he ka-kai ꞌe he unu ananake,

Ruka 12:45

»ꞌE mo haꞌamata mo tōtōā e rā tāvini i te tētahi tāvini, mo noho mo kai ꞌe mo unu ka taꞌero rō ꞌi te manaꞌu iŋa pē nei ē: e ko hōrou e ko tuꞌu te taŋata era ꞌāꞌana te haka aŋa,

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Aŋa o te ꞌĀpōtoro 2:15

Kai taꞌero te nuꞌu nei, pa he meꞌe manaꞌu e kōrua; hora iva iho o te pōꞌā nei.

1 Kōrinto 11:21

ꞌi te meꞌe era ꞌi te hora o te kai, e ai rō ꞌā te nuꞌu kai raꞌe, ꞌina he tiaki ki te tētahi nuꞌu. Pē ira e ai ena te nuꞌu oho mai te kona taka-taka o kōrua e maruaki rō ꞌā, ꞌe tētahi e taꞌero rō ꞌana.

Ēfeto 5:18

ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua.

1 Tētārōnika 5:7

ꞌI te pō, paꞌi, te nuꞌu e haꞌuru ena ꞌe e taꞌero ena, ꞌe ꞌina he ꞌite he aha te meꞌe mo topa.

Meꞌe Haka Takeꞌa 17:2

Te ꞌariki taꞌatoꞌa o te ao ko moe tahi ꞌā i te taiꞌo nei, ꞌe ko taꞌero tahi ꞌana te nuꞌu o te ao ꞌi tāꞌana ꞌava, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e te viꞌe nei, he haꞌamuri ki te meꞌe taꞌe he ꞌAtua parautiꞌa».

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.