Iovani 19:9 - Rapa Nui

⁹ He uru haka ꞌou ki roto i te hare he ꞌui ki a Ietū: —¿O hē mau koe? Kai pāhono e Ietū.

Iovani 19:9 ပူးပေါင်းရင်းမြစ်များ

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 27:27

He maꞌu he raꞌe e te vaꞌehau i a Ietū ki te kona e tahi o roto i te hare o te suerekao. ꞌI ira i haka taka-taka ai i te vaꞌehau ꞌe he haka vari tahi i a Ietū.

Ruka 23:9

Meꞌe rahi te meꞌe i ꞌui, ꞌe, ꞌina kai pāhono e Ietū.

Iovani 18:28

He maꞌu ia i a Ietū mai te hare o Kaifā ki te hare o Pirato, he suerekao rōmano. I tuꞌu era ko hāhine ꞌana mo ꞌōtea. Te nuꞌu hūrio, ꞌo hape ki te rāua haka tere iŋa o ruŋa i te haka maꞌitaki ꞌe ꞌo taꞌe tano mo kai i te kai o te Pakate, kai uru ki roto.

Iovani 18:33

He uru ia a Pirato ki roto i te hare, he kī ki te vaꞌehau mo maꞌu i a Ietū ki muꞌa i a ia, ꞌe he ꞌui: —¿He ꞌAriki koe o te hūrio?

Iovani 18:34

He pāhono e Ietū: —Te meꞌe ena ꞌāꞌau e ꞌui mai ena, ¿he manaꞌu ōꞌou, ꞌo he manaꞌu o te rua?

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 19:10

He ꞌui haka ꞌou e Pirato: —¿E ko pāhono mai koe? ¿Kai ꞌite ꞌō koe i a au te parau mo veo i a koe ꞌi ruŋa i te tātaurō ꞌo mo haka eꞌa i a koe?

Iovani 19:8

I ŋaroꞌa era i te meꞌe nei e Pirato, he ꞌata riꞌa-riꞌa rō atu ꞌai.

Iovani 8:14

He pāhono e Ietū: —Ka ai atu māꞌaku mau ꞌā e kī i te vānaŋa riva-riva o ruŋa i a au, e hauhaꞌa rō ꞌana ꞌo te ai ko ꞌite ꞌana a au mai hē a au i oho mai ai ꞌe ki hē a au ka oho nei, he meꞌe kai ꞌite e kōrua.

Fīripo 1:28

taꞌe hai riꞌa-riꞌa, ka ai atu e ai rō ꞌā te nuꞌu ꞌina he haŋa ki te kōrua aŋa. ꞌE ꞌi te taꞌe riꞌa-riꞌa o kōrua, ka aŋi-aŋi ena e rā nuꞌu: te hopeꞌa o te rāua ara he ūtuꞌa, ꞌe ka aŋi-aŋi ena e kōrua: he vaꞌai atu i te ora ꞌāpī ꞌina he hopeꞌa raꞌa. ꞌE te ŋā meꞌe nei ararua o te ꞌAtua.