Iovani 19:6 - Rapa Nui

⁶ I takeꞌa era e te nuꞌu ⌊oromatuꞌa ra-rahi⌋ ꞌe e te ꞌauario o te Kona Haꞌamuri ꞌAtua, he haꞌamata he ohu: —¡Ka veo ꞌi ruŋa i te tātaurō! ¡Ka veo ꞌi ruŋa i te tātaurō! He kī e Pirato: —Ka maꞌu ka veo e kōrua mau ꞌā; kai ravaꞌa, paꞌi, e au e tahi meꞌe taꞌe tano ōꞌona.

Iovani 19:6 ပူးပေါင်းရင်းမြစ်များ

Māteo 26:58

A Pētero ia i haka ꞌava-ꞌava i oho ai ꞌi tuꞌa o rā nuꞌu ꞌātā ka tuꞌu rō ki tū hare era. He uru ki te kona o haho ꞌā, he noho ꞌi muri i te ꞌauario mo uꞌi pē hē rā meꞌe ka hopeꞌa era.

Māteo 27:22

He ꞌui ia e Pirato: —¿He aha tāꞌaku meꞌe mo aŋa ki a Ietū kī he Kiritō? He pāhono tahi: —¡Ka veo ꞌi ruŋa i te tātaurō!

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Ruka 23:4

He kī ia e Pirato ki tū ŋā ⌊oromatuꞌa ra-rahi⌋ era ꞌe ki te taŋata taꞌatoꞌa ꞌi ira: —Ki tōꞌoku uꞌi, ꞌina e tahi meꞌe rake-rake o te taŋata nei i aŋa ki tano ai mo haka ūtuꞌa.

Iovani 18:3

He tuꞌu ia a Hura e uŋa rō ꞌana ꞌi muri i a ia i te nūnaꞌa vaꞌehau rōmano ꞌe i te tētahi ꞌauario o te ⌊Kona Haꞌamuri ꞌAtua⌋ uŋa e te nuꞌu ⌊oromatuꞌa ra-rahi⌋ ꞌe e te fariseo. Te nuꞌu nei e maꞌu-maꞌu rō ꞌana i te hoe ꞌe i te tētahi atu meꞌe mo moto koia ko hakariꞌi ꞌe ko rama.

Iovani 18:31

He kī e Pirato: —Ka maꞌu e kōrua, ꞌai ka ture rō hai haka tere iŋa mau ena ꞌā o kōrua. He pāhono e te nuꞌu ra-rahi hūrio: —A mātou te hūrio ꞌina he parau mo tiŋaꞌi mo haka mate i te taŋata.

Iovani 18:38

He ꞌui e Pirato: —¿He aha te meꞌe he parautiꞌa? I oti era te ꞌui i te meꞌe nei, he eꞌa haka ꞌou a Pirato he vānaŋa ki te hūrio, he kī: —Kai ravaꞌa e au e tahi hape o te taŋata nei mo haka ūtuꞌa i a ia.

Iovani 19:15

He ohu atu e tū nuꞌu era: —¡Ka haka kore! ¡Ka veo ꞌi ruŋa i te tātaurō! He ꞌui e Pirato: —¿E haŋa ꞌā a kōrua mo veo ōꞌoku i te kōrua ꞌariki ꞌi ruŋa i te tātaurō? He pāhono e te nuꞌu oromatuꞌa ra-rahi: —¡E tahi mau nō mātou ꞌariki: he ꞌariki ena o te rōmano!

Iovani 19:4

He eꞌa haka ꞌou a Pirato, he vānaŋa ki tū nuꞌu maꞌu era i a Ietū ꞌe he kī: «ꞌĪ a au ko maꞌu haka ꞌou mai ꞌana i a ia mo ꞌite e kōrua: ꞌina e tahi meꞌe taꞌe tano ōꞌona i ravaꞌa e au».

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 7:52

¿Ko ai o roto o te perofeta taꞌatoꞌa i taꞌe tōtōā e te kōrua tupuna? ꞌĀtā ko tiŋaꞌi ko haka mate ꞌana e rāua i te nuꞌu vānaŋa o ruŋa i te tuꞌu iŋa mai o te taŋata aŋa i te meꞌe tī-tika ꞌe ꞌina he hape, ꞌe ko tuꞌu mai ꞌā rā taŋata. »I tuꞌu mai era, he toꞌo mai e kōrua he vaꞌai ki te rima o te nuꞌu taꞌe haŋa ki a ia ꞌe he haka tiŋaꞌi he haka mate.