Iovani 19:4 - Rapa Nui

⁴ He eꞌa haka ꞌou a Pirato, he vānaŋa ki tū nuꞌu maꞌu era i a Ietū ꞌe he kī: «ꞌĪ a au ko maꞌu haka ꞌou mai ꞌana i a ia mo ꞌite e kōrua: ꞌina e tahi meꞌe taꞌe tano ōꞌona i ravaꞌa e au».

Iovani 19:4 ပူးပေါင်းရင်းမြစ်များ

Māteo 27:19

E noho nō ꞌā a Pirato ꞌi te kona ture, i tuꞌu ai te roŋo o tāꞌana viꞌe pē nei ē: «ꞌIna koe ko aŋa e tahi meꞌe ki te taŋata taꞌe hara ena. I moe vārua rō, paꞌi, a au o ruŋa i a ia ꞌi te pōꞌā ꞌe he huru kē rō atu ꞌai a au».

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Māteo 27:4

he kī: —Ko hara ꞌana a au ꞌo te vaꞌai atu i te taŋata ꞌina e tahi ōꞌona hape mo tiŋaꞌi mo haka mate. He pāhono e rā nuꞌu: —Taꞌe he meꞌe o mātou. ¡Ōꞌou ꞌā tuꞌu ꞌati!

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Ruka 23:4

He kī ia e Pirato ki tū ŋā ⌊oromatuꞌa ra-rahi⌋ era ꞌe ki te taŋata taꞌatoꞌa ꞌi ira: —Ki tōꞌoku uꞌi, ꞌina e tahi meꞌe rake-rake o te taŋata nei i aŋa ki tano ai mo haka ūtuꞌa.

Ruka 23:41

Te ūtuꞌa nei e tano rō ꞌā mo tāua, he ꞌauhau o te meꞌe taꞌe tano aŋa. ꞌE te taŋata ena ꞌina e tahi ōꞌona hape.

Ruka 23:47

I takeꞌa era e te kape o te rōmano i rā meꞌe, he haꞌahana-hana ki te ꞌAtua ꞌe he kī: «He aŋi ꞌā tū taŋata nei taŋata hape kore».

Iovani 18:33

He uru ia a Pirato ki roto i te hare, he kī ki te vaꞌehau mo maꞌu i a Ietū ki muꞌa i a ia, ꞌe he ꞌui: —¿He ꞌAriki koe o te hūrio?

Iovani 18:38

He ꞌui e Pirato: —¿He aha te meꞌe he parautiꞌa? I oti era te ꞌui i te meꞌe nei, he eꞌa haka ꞌou a Pirato he vānaŋa ki te hūrio, he kī: —Kai ravaꞌa e au e tahi hape o te taŋata nei mo haka ūtuꞌa i a ia.

Iovani 19:6

I takeꞌa era e te nuꞌu ⌊oromatuꞌa ra-rahi⌋ ꞌe e te ꞌauario o te Kona Haꞌamuri ꞌAtua, he haꞌamata he ohu: —¡Ka veo ꞌi ruŋa i te tātaurō! ¡Ka veo ꞌi ruŋa i te tātaurō! He kī e Pirato: —Ka maꞌu ka veo e kōrua mau ꞌā; kai ravaꞌa, paꞌi, e au e tahi meꞌe taꞌe tano ōꞌona.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.

1 Pētero 2:22

Kai hara te ⌊Kiritō⌋ ꞌe kai reo-reo ki te hora hopeꞌa.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

1 Iovani 3:5

E ꞌite rō ꞌana e kōrua: a Ietū i oho mai ai ki te ao nei mo haka kore i te hara o te taŋata, ꞌe ko ꞌite takoꞌa ꞌana e kōrua: ꞌina ōꞌona hara.