Iovani 19:34 - Rapa Nui

³⁴ Ka ai atu pē ira, i ꞌo-ꞌoka nō hai ransa e te vaꞌehau e tahi a te rehe-rehe o Ietū ꞌe, ꞌi tū hora ꞌā, i tehe ai te toto koia ko te vai.

Iovani 19:34 ပူးပေါင်းရင်းမြစ်များ

1 Iovani 5:6

Te ꞌAtua i haka takeꞌa ai pē nei ē: a Ietū Kiritō he Poki ꞌāꞌana, ꞌi te hora ⌊papatito⌋ hai vai, ꞌe ꞌi te hora pariŋi o tōꞌona toto ꞌi ruŋa i te tātaurō. Te ⌊Vārua Maitai⌋ he mataꞌite o te meꞌe nei, ꞌe tāꞌana meꞌe kī he parautiꞌa.

1 Iovani 5:8

he Vārua Maitai, he vai ꞌe he toto, ꞌe ko tū meꞌe ꞌā i mataꞌite ai a to-toru.

Meꞌe Haka Takeꞌa 7:14

—E koro, ko koe i ꞌite —i pāhono ai e au. He kī mai ia: —Te nuꞌu era he nuꞌu eꞌa mai roto i te ꞌati taparahi-taꞌata o te paꞌo iŋa o te ao, ko te nuꞌu haka maꞌitaki era ꞌe haka rito-rito era i te rāua kahu hai toto o te Māmoe.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

ꞌEvereo 9:22

Ki te haka tere iŋa era ꞌa Mōtē, te rahi raꞌa o te meꞌe e haka maꞌitaki era hai toto. ꞌE ꞌina e ko haka kore i te hara mo taꞌe tehe o te toto.

ꞌEvereo 9:13

Ki te ⌊haka tere iŋa ꞌa Mōtē⌋, e ai rō ꞌana te pūai o te toto o te puaꞌa, o te vato-vato, ꞌe o te ꞌeo-ꞌeo o te puaꞌa taŋa vahine tutu ꞌi ruŋa i te fata mo haka maꞌitaki a te haho i te nuꞌu taꞌe maꞌitaki ana pī-pī a ruŋa i a rāua.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

Māteo 27:62

ꞌI te rua mahana, he ⌊mahana haka ora⌋, te nuꞌu oromatuꞌa ra-rahi ꞌe te ⌊fariseo⌋ he oho he uꞌi i a Pirato,

Aŋa o te ꞌĀpōtoro 22:16

ꞌIna koe ko tiaki haka ꞌou. Ka eꞌa ka haka ⌊papatito⌋ i a koe koia ko ani ki a Ietū mo haka kore i tuꞌu hara”.

Iovani 19:33

I tuꞌu era ki a Ietū he takeꞌa ko mate ꞌā. ꞌO ira i taꞌe ha-hati ai i tōꞌona vaꞌe.

Iovani 20:20

I kī era i te meꞌe nei, he haka takeꞌa i tōꞌona rima ꞌe i tōꞌona rehe-rehe. He toꞌo rō atu ꞌai te koa o tū nuꞌu era ꞌo te takeꞌa haka ꞌou i a Ietū.