Iovani 18:3 - Rapa Nui

³ He tuꞌu ia a Hura e uŋa rō ꞌana ꞌi muri i a ia i te nūnaꞌa vaꞌehau rōmano ꞌe i te tētahi ꞌauario o te ⌊Kona Haꞌamuri ꞌAtua⌋ uŋa e te nuꞌu ⌊oromatuꞌa ra-rahi⌋ ꞌe e te fariseo. Te nuꞌu nei e maꞌu-maꞌu rō ꞌana i te hoe ꞌe i te tētahi atu meꞌe mo moto koia ko hakariꞌi ꞌe ko rama.

Iovani 18:3 ပူးပေါင်းရင်းမြစ်များ

Māteo 25:1

»Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa i te ŋoŋoro hāipo-ipo e tahi. E hoꞌe ꞌahuru uka he toꞌo i te rāua hakariꞌi ꞌe he eꞌa he oho mo hokorua i te kope era mo hāipo-ipo ki te kona era ꞌi ira te ŋoŋoro.

Iovani 13:2

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 18:12

Te vaꞌehau ananake ko tōꞌona kape ꞌe te ꞌauario ⌊hūrio⌋ o te Kona Haꞌamuri ꞌAtua he ꞌa-ꞌaru he here-here i a Ietū.

Iovani 18:18

ꞌI te takeꞌo, te nuꞌu tāvini o rā hare ꞌe te ꞌauario o te Kona Haꞌamuri ꞌAtua ko haka hū ꞌana i te ahi ꞌi haho mo haka mahana o rāua. A Pētero ꞌi muri i rā nuꞌu takoꞌa e haka mahana ꞌā i a ia.

Iovani 18:22

I kī era a Ietū i te meꞌe nei, he toꞌo mai e te ꞌauario e tahi he haka eke hai rima ki te ꞌāriŋa koia ko kī: —¿Pē nā mau koe ana pāhono ki te oromatuꞌa hopeꞌa o te ra-rahi?

Iovani 19:6

I takeꞌa era e te nuꞌu ⌊oromatuꞌa ra-rahi⌋ ꞌe e te ꞌauario o te Kona Haꞌamuri ꞌAtua, he haꞌamata he ohu: —¡Ka veo ꞌi ruŋa i te tātaurō! ¡Ka veo ꞌi ruŋa i te tātaurō! He kī e Pirato: —Ka maꞌu ka veo e kōrua mau ꞌā; kai ravaꞌa, paꞌi, e au e tahi meꞌe taꞌe tano ōꞌona.

Iovani 7:32

He ŋaroꞌa e te fariseo i te vānaŋa o tū nuꞌu era o ruŋa i a Ietū. He uŋa ia e rā ŋā fariseo ananake ko te ⌊oromatuꞌa ra-rahi⌋ i te mūtoꞌi o te Kona Haꞌamuri ꞌAtua mo ꞌa-ꞌaru i a Ietū.

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

Aŋa o te ꞌĀpōtoro 10:1

ꞌI te kona ko Tētārea e noho era te taŋata e tahi te ꞌīŋoa ko Koronerio, he kape o te vaꞌehau rōmano kī Nūnaꞌa Vaꞌehau o ꞌĪtāria.