Iovani 18:22 - Rapa Nui

²² I kī era a Ietū i te meꞌe nei, he toꞌo mai e te ꞌauario e tahi he haka eke hai rima ki te ꞌāriŋa koia ko kī: —¿Pē nā mau koe ana pāhono ki te oromatuꞌa hopeꞌa o te ra-rahi?

Iovani 18:22 ပူးပေါင်းရင်းမြစ်များ

Marko 14:65

He haꞌamata ia e te tētahi nuꞌu he ꞌanu-ꞌanu ꞌi te ꞌāriŋa o Ietū. He puru i te mata he haka eke-eke hai rima koia ko kī: «¡Ka kī mai rā ꞌa ꞌai a koe i puꞌa atu!». ꞌE he haka eke-eke takoꞌa e te mūtoꞌi hai rima ki te ꞌāriŋa.

Iovani 18:21

¿He aha koe e ꞌui mai ena ki a au? Ka haka ꞌui ki te nuꞌu haka roŋo mai era; mo rāua e kī atu he aha tāꞌaku meꞌe i vānaŋa.

Iovani 18:3

He tuꞌu ia a Hura e uŋa rō ꞌana ꞌi muri i a ia i te nūnaꞌa vaꞌehau rōmano ꞌe i te tētahi ꞌauario o te ⌊Kona Haꞌamuri ꞌAtua⌋ uŋa e te nuꞌu ⌊oromatuꞌa ra-rahi⌋ ꞌe e te fariseo. Te nuꞌu nei e maꞌu-maꞌu rō ꞌana i te hoe ꞌe i te tētahi atu meꞌe mo moto koia ko hakariꞌi ꞌe ko rama.

Iovani 19:3

E tahi e tahi e oho e haka meꞌe-meꞌe era: «¡Pē hē te ꞌAriki o te ⌊hūrio⌋!». ꞌE he haka eke-eke hai rima ki te ꞌāriŋa.