Iovani 18:20 - Rapa Nui

²⁰ He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.

Iovani 18:20 ပူးပေါင်းရင်းမြစ်များ

Iovani 7:26

¡ꞌAi ꞌō e vānaŋa ꞌā ꞌi te kona era ai, ꞌe ꞌina e tahi kope kī e tahi meꞌe! ¿Ka kī ꞌō te nuꞌu ra-rahi e manaꞌu ena he ⌊Kiritō⌋ mau ꞌana a ia?

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Ruka 21:37

Te aŋa ꞌa Ietū he hāpī i te taŋata ꞌi te Kona Haꞌamuri ꞌAtua ꞌi te ꞌōtea; ꞌi te pō, he iri he noho ꞌi ruŋa i te maꞌuŋa kī o te ꞌŌrivo.

Iovani 7:4

Te kope haŋa mo ꞌite e te nuꞌu o ruŋa i a ia ꞌina he naꞌa i tāꞌana meꞌe aŋa. ꞌO ira, ka oho koe ka aŋa taꞌa meꞌe ena koe e aŋa ena ꞌi muꞌa o te taŋata taꞌatoꞌa.

Ruka 4:15

E hāpī era ꞌi te ⌊hare pure hūrio⌋ o te kona taꞌatoꞌa tuꞌu. Te nuꞌu taꞌatoꞌa o rā ŋā kona e haꞌahana-hana rō ꞌā i a ia.

Māteo 26:55

He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Iovani 8:2

ꞌI te rua mahana ꞌi te pō era ꞌā, he hoki ki te Kona Haꞌamuri ꞌAtua. He haka hāhine ia te taŋata, ꞌe he noho a Ietū he hāpī.

Iovani 7:28

A Ietū e hāpī ꞌana ꞌi te Kona Haꞌamuri ꞌAtua. I ŋaroꞌa era i tū meꞌe era, he haka pūai i te reꞌo ꞌai ka kī: «¿Ko ꞌite mau ꞌana ꞌō kōrua ko ai a au ꞌe mai hē a au i oho mai ai? Taꞌe hai manaꞌu ōꞌoku au i oho mai ai, hai manaꞌu o te kope uŋa mai i a au, kope aŋa i tāꞌana meꞌe kī, ꞌe ꞌina kōrua kai māhani i a ia.

Iovani 7:14

E hitu mahana o rā ŋoŋoro era he rāmā. ꞌI vāeŋa o rā ŋā mahana, he oho a Ietū he uru ki roto i te ⌊Kona Haꞌamuri ꞌAtua⌋ he haꞌamata he hāpī.

Māteo 26:65

I ŋaroꞌa era i te vānaŋa ꞌa Ietū e rā oromatuꞌa, he ihi i tōꞌona kahu mo haka takeꞌa i tōꞌona riri ꞌe he kī: —¡Te vānaŋa o te taŋata nei he vānaŋa taꞌe tano mo te ꞌAtua! ¿Mo aha nō o tātou te mataꞌite haka ꞌou? Nā ko ŋaroꞌa ꞌana e kōrua i te kī iŋa mai i te vānaŋa taꞌe tano.

Aŋa o te ꞌĀpōtoro 26:26

Nā te ꞌariki ena ko ꞌAkiripa nā ko aŋi-aŋi riva-riva ꞌana i te ŋā meꞌe nei. ꞌO ira a au e taꞌe riꞌa-riꞌa ena mo vānaŋa atu ꞌi muꞌa i a ia. Ko ꞌite ꞌana a au e ꞌite rō ꞌana e ia i te ŋā meꞌe taꞌatoꞌa nei; taꞌe, paꞌi, he meꞌe i topa ꞌi te kona mo taꞌe takeꞌa.

Māteo 24:26

ꞌO ira, mo kī atu ki a kōrua: “Ka uꞌi, ꞌai rā ꞌi te kona ꞌone taꞌe noho taŋata te Kiritō”, ꞌina kōrua ko oho; ꞌe mo kī atu: “Ka uꞌi mai, ꞌi nei e piko atu ena”, e uꞌi ꞌo haka roŋo rō.

Marko 8:32

Te meꞌe taꞌatoꞌa nei i haka aŋi-aŋi riva-riva rō e Ietū. I ŋaroꞌa era e Pētero he maꞌu i a Ietū a te tapa he ture ꞌo vānaŋa haka ꞌou pē ira.

Iovani 6:59

I hāpī ai a Ietū i te ŋā meꞌe nei ꞌi roto i te ⌊hare pure hūrio⌋ o Kaperenāū.

Iovani 18:21

¿He aha koe e ꞌui mai ena ki a au? Ka haka ꞌui ki te nuꞌu haka roŋo mai era; mo rāua e kī atu he aha tāꞌaku meꞌe i vānaŋa.