Iovani 18:1 - Rapa Nui

¹ I oti era te kī i te meꞌe nei, he eꞌa a Ietū ananake ko tāꞌana nuꞌu hāpī he oho ki te rua pāꞌiŋa o te vai era te ꞌīŋoa ko Tererone. ꞌI ira e tahi kona e rahi rō ꞌana te tumu ꞌōrivo ꞌe he oho a kuā Ietū ki rā kona.

Iovani 18:1 ပူးပေါင်းရင်းမြစ်များ

Māteo 26:30

He hīmene ia ananake mo haꞌahana-hana ki te ꞌAtua. I oti era he eꞌa a kuā Ietū he oho ki te Maꞌuŋa era o te ꞌŌrivo.

Māteo 26:36

He oho ia a Ietū ananake ko tāꞌana nuꞌu hāpī ki te kona te ꞌīŋoa ko Hetesēmānī ꞌi te Maꞌuŋa era o te ꞌŌrivo ꞌe he kī: «Ka noho nō kōrua ꞌi nei, ꞌī a au he oho he pure».

Marko 14:26

He hīmene ia ananake mo haꞌahana-hana ki te ꞌAtua. I oti era he eꞌa a kuā Ietū he oho ki te Maꞌuŋa o te ꞌŌrivo.

Marko 14:32

I oho era he tuꞌu a kuā Ietū ki te kona te ꞌīŋoa ko Hetesēmānī ꞌi te Maꞌuŋa era o te ꞌŌrivo. He kī ki te rahi raꞌa o tāꞌana nuꞌu hāpī: «Ka noho nō kōrua ꞌi nei; ꞌī a au he oho he pure».

Marko 14:42

Ka eꞌa ki ruŋa ki oho rō tātou. Nā ko hāhine mai ꞌā tū kope era mo vaꞌai i a au ki te rima o te nuꞌu ra-rahi».

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 18:26

I hini ꞌiti era he ꞌui ki a Pētero e te tāvini e tahi o te oromatuꞌa hopeꞌa o te ra-rahi, huaꞌai o te taŋata paꞌo era e Pētero i te tariŋa: —¿Taꞌe ꞌō ko takeꞌa ꞌana koe e au ꞌi muri i a ia ꞌi tū kona era e rahi rō ꞌā te tumu ꞌōrivo?

Aŋa o te ꞌĀpōtoro 21:11

I piri mai era ki a mātou, he toꞌo i te pena o Pauro, he here-here i tōꞌona rima i tōꞌona vaꞌe ꞌe he kī: «O te Vārua Maitai i haka ꞌite mai e here-here rō pē nei e te ⌊hūrio⌋ ꞌi Hērutarema i te taŋata ōꞌona te pena nei, ꞌe ꞌai ka vaꞌai ki te rima o te hau kē».