Iovani 17:6 - Rapa Nui

⁶ »E Koro, ki te nuꞌu vaꞌai mai e koe o te ao nei i haka ꞌite ai e au ko ai mau a koe. ꞌĀꞌau rā nuꞌu, ꞌe ꞌāꞌau i vaꞌai mai, ꞌe, ko haka roŋo ꞌana ki taꞌa vānaŋa.

Iovani 17:6 ပူးပေါင်းရင်းမြစ်များ

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 12:28

Te meꞌe mau ꞌāꞌaku mo kī: “E Koro, ka haka takeꞌa tuꞌu pūai ki te taŋata ki haꞌamuri atu ai ki a koe”». He ŋaroꞌa ia i te reꞌo e tahi mai te raŋi e kī ꞌana: «Ko haka takeꞌa era ꞌana e au, ꞌe ꞌī a au he haka takeꞌa haka ꞌou».

Iovani 15:19

ꞌĀhani kōrua o te nuꞌu era ꞌā, ko te haŋa iŋa atu ꞌana, pa he haŋa iŋa ki te rāua nuꞌu. ꞌĀꞌaku kōrua i haꞌataꞌa mai mai roto i a rāua, ꞌo ira e maꞌu ena i te riri mo kōrua, ꞌo te taꞌe ai haka ꞌou kōrua o rāua.

Iovani 15:3

A kōrua, ꞌi te ⌊haka moe i te manaꞌu⌋ ꞌi ruŋa i tāꞌaku vānaŋa, ko maꞌitaki ꞌana pa he ŋā maŋa era ko tope-tope riva-riva ꞌana.

Iovani 15:7

»Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

Iovani 17:12

Hora taꞌatoꞌa ōꞌoku ꞌi muri i a rāua ꞌi te ao nei, e hāpaꞌo nei e au hai pūai vaꞌai mai e koe ꞌo haꞌataꞌa mai muri i a koe. ꞌE ꞌina a rāua kai haꞌataꞌa, he kope mau nō era ko tāpaꞌo era ꞌā mo te pōꞌauahi mo tano o te meꞌe kī ꞌi ruŋa i te ⌊Pāpaꞌi Moꞌa⌋.

Iovani 17:14

Ko haka ꞌite ꞌana e au ki a rāua i taꞌa vānaŋa, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e maꞌu rō ꞌana i te riri mo rāua ꞌo te taꞌe ai haka ꞌou te nuꞌu nei o rāua, pa he taꞌe ai iŋa takoꞌa nei ōꞌoku o rāua.

Iovani 17:16

A rāua taꞌe o te nuꞌu o te ao nei taꞌe haka moe i te manaꞌu ꞌi ruŋa i a au, pa he taꞌe ai iŋa takoꞌa nei ōꞌoku o rā nuꞌu.

Iovani 17:2

»Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 17:7

Ko ꞌite ꞌana a rāua ꞌi te hora nei: te meꞌe kī ꞌe te meꞌe aŋa taꞌatoꞌa e au mai i a koe e oho mai ena.

Iovani 18:9

Te meꞌe nei i topa ai mo haka tano o te meꞌe kī e Ietū: «E Koro, te nuꞌu vaꞌai mai era e koe, ꞌina a rāua kai haꞌataꞌa mai muri i a koe».

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:39

ꞌE tāꞌana meꞌe haŋa he taꞌe ŋaro e tahi o te nuꞌu vaꞌai mai e ia, ꞌe he haka ora e au i a rāua mai te mate ꞌi te mahana o te ture hopeꞌa.

Iovani 8:51

ꞌĪ a au he kī atu: te kope haka roŋo i tāꞌaku vānaŋa e ko mate ki te hora hopeꞌa.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?

Aŋa o te ꞌĀpōtoro 13:48

I ŋaroꞌa era i te meꞌe nei e te nuꞌu taꞌe he hūrio, he koa rō atu ꞌai ꞌe he haꞌamata he kī: te vānaŋa o te ꞌAtua vānaŋa riva-riva. ꞌE o roto i rā nuꞌu he haka moe i te manaꞌu ꞌi ruŋa i a Ietū te nuꞌu taꞌatoꞌa ko haꞌataꞌa era ꞌā e te ꞌAtua mo ravaꞌa i te ora ꞌāpī ꞌina he hopeꞌa raꞌa.

Rōmano 11:2

Te parautiꞌa, ꞌina te ꞌAtua kai hārui tahi i te itaraera, he nuꞌu haꞌataꞌa e ia māꞌana mai muꞌa ꞌā, hai tuaꞌivi. Ka haka topa rā te kōrua manaꞌu ki te meꞌe ena e hāꞌaki ena ꞌi ruŋa i te ⌊Pāpaꞌi Moꞌa⌋ o ruŋa i te perofeta era ko ꞌĒria. ꞌI tōꞌona hora pure ki te ꞌAtua i horo ai i tāꞌana ture mo tōꞌona taŋata he itaraera pē nei ē:

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

2 Timoteo 1:13

Ana hāpī koe, e uꞌi e haka tano ki te hāpī iŋa parautiꞌa haka ꞌite atu era e au koia ko te haka moe ko te oho i te manaꞌu ꞌi ruŋa i a Ietū, ꞌe ko te haŋa ko te oho ki te rua ꞌo te ai ōꞌou ꞌa Ietū Kiritō.

ꞌEvereo 2:12

I kī rō, paꞌi, e ia ꞌi ruŋa i te Pāpaꞌi Moꞌa: «E vānaŋa rō a au o ruŋa i a koe ki tōꞌoku taina, ꞌe e hīmene rō atu a au ꞌi vāeŋa o te nuꞌu haꞌamuri atu».

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.

Meꞌe Haka Takeꞌa 3:8

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.