Iovani 17:26 - Rapa Nui

²⁶ Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 17:26 ပူးပေါင်းရင်းမြစ်များ

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 15:15

E ko kī haka ꞌou atu a au he tāvini kōrua; te tāvini, paꞌi, ꞌina he ꞌite i te manaꞌu o te kope haka aŋa i a ia. Mōꞌoku a kōrua he repahoa; ko haka ꞌite tahi atu ꞌana, paꞌi, a au i te meꞌe kī mai e tōꞌoku Matuꞌa.

Iovani 15:4

»ꞌIna kōrua ko haka topa mai muri i a au, pa he taꞌe haka topa iŋa nei ōꞌoku i a au mai muri i a kōrua. Te maŋa vino e tahi e ko hua mo ko-koti mo haka topa mai te tumu. Pē ira ꞌana kōrua, mo topa mai muri i a au e ko hua, te auraꞌa, e ko riva kōrua mo aŋa i te meꞌe haŋa e te ꞌAtua.

Iovani 15:9

E haŋa rahi rō atu ꞌana a au ki a kōrua, pa he haŋa iŋa mai ena o te Matuꞌa ki a au. E maꞌu ꞌi roto i te kōrua māhatu te haŋa nei ōꞌoku ki a kōrua.

Iovani 17:23

A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.

Iovani 17:6

»E Koro, ki te nuꞌu vaꞌai mai e koe o te ao nei i haka ꞌite ai e au ko ai mau a koe. ꞌĀꞌau rā nuꞌu, ꞌe ꞌāꞌau i vaꞌai mai, ꞌe, ko haka roŋo ꞌana ki taꞌa vānaŋa.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 6:56

Te kope kai i tōꞌoku hakari ꞌe unu i tōꞌoku toto e ko haka rē i a au, ꞌe a au i a ia.

Iovani 8:50

ꞌIna a au he kimi mo haka nui-nui i a au e te taŋata. Ka ai atu pē ira, e ai rō ꞌana te kope haŋa ki rā meꞌe mōꞌoku, ꞌe ꞌāꞌana te kī i te meꞌe tano ꞌe i te meꞌe taꞌe tano o te taŋata.

Rōmano 8:10

ꞌE, mo ai rō o te Kiritō ꞌi roto i a kōrua, he ora te kōrua vārua. Ko haka tano ꞌana, paꞌi, e te ꞌAtua i a kōrua ki tōꞌona mata, ka ai atu e mate rō te kōrua hakari, he ūtuꞌa o te hara.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 12:12

Te hakari, ka ai atu e rahi rō ꞌā te kona, he meꞌe mau nō e tahi. Pē ira takoꞌa te Kiritō koia ko te nuꞌu taꞌatoꞌa haka moe i te manaꞌu ꞌi ruŋa i a ia he meꞌe e tahi mau nō.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 1:6

ꞌO ira, ki haꞌahana-hana ki te ꞌAtua ꞌi tōꞌona riva rahi haka takeꞌa mai ꞌo te ai o tātou ꞌa Ietū Kiritō, he Poki haŋa rahi ꞌāꞌana.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Ēfeto 5:30

A tātou taꞌatoꞌa, paꞌi, he hakari ōꞌona; e tahi e tahi o tātou he kona o rā hakari.

Ēfeto 5:32

Hai ŋā vānaŋa nei e takeꞌa ena i te nui-nui o te parautiꞌa taꞌe haka ꞌite mai era e te ꞌAtua ꞌi muꞌa ꞌā pē nei ē: a Ietū ꞌe te nūnaꞌa taŋata haka moe i te manaꞌu ꞌi ruŋa i a ia e tahi mau nō.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

Kōrosa 2:10

ꞌE, ꞌo te ai o kōrua ꞌāꞌana, ko ai tahi ꞌana i a kōrua te meꞌe mo tano o kōrua ꞌe o te kōrua noho iŋa ki te mata o te ꞌAtua. A Ietū Kiritō, paꞌi, he Pūꞌoko Haka Tere o te meꞌe taꞌatoꞌa, ꞌātā o te ŋā kope ena ꞌina he takeꞌa mai haka tere i te ao nei.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

ꞌEvereo 2:12

I kī rō, paꞌi, e ia ꞌi ruŋa i te Pāpaꞌi Moꞌa: «E vānaŋa rō a au o ruŋa i a koe ki tōꞌoku taina, ꞌe e hīmene rō atu a au ꞌi vāeŋa o te nuꞌu haꞌamuri atu».

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.