Iovani 17:25 - Rapa Nui

²⁵ »E Koro riva ē, te taŋata o te ao nei taꞌe haka moe i te manaꞌu ꞌi ruŋa i a au kai ꞌite ko ai koe, ko au te meꞌe i ꞌite. Te nuꞌu hāpī nei ꞌāꞌaku ko ꞌite ꞌā: ꞌāꞌau a au i uŋa mai.

Iovani 17:25 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Iovani 16:27

Te Matuꞌa, paꞌi, e haŋa rahi rō ꞌana ki a kōrua. E haŋa atu ena ꞌo te haŋa mai o kōrua ki a au ꞌe ꞌo te ai he parautiꞌa mau ꞌana mo kōrua: a au i oho mai ai mai i a ia.

Iovani 16:3

Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 16:30

A mātou ko ꞌite ꞌana ꞌi te hora nei: a koe ko ꞌite tahi ꞌana i te meꞌe, ꞌātā ki te mātou meꞌe manaꞌu mo ꞌui atu. ꞌO ira he parautiꞌa mau ꞌā mo mātou: a koe mai te ꞌAtua i oho mai ai.

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Iovani 17:18

»Pa he uŋa iŋa mai era ōꞌou i a au ki te nuꞌu o te ao nei taꞌe haka moe i te manaꞌu ꞌi ruŋa i a au, pē ira takoꞌa ꞌana a au ka uŋa ena i a rāua ki rā ŋā nuꞌu.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 17:23

A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 3:17

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 6:19

Ko roa atu ꞌana e oho era e pae taꞌutini tūmaꞌa mētera, he takeꞌa ka hāhine atu a Ietū e haꞌere e oho atu era a ruŋa i te vai ꞌe he riꞌa-riꞌa rō atu ꞌai tū nuꞌu era.

Iovani 7:29

Ko au te meꞌe i māhani; mai i a ia, paꞌi, a au i oho mai ai, ꞌe ꞌāꞌana a au i uŋa mai».

Iovani 8:19

He ꞌui ia e rā nuꞌu: —¿ꞌI hē tuꞌu matuꞌa? He pāhono e Ietū: —A kōrua ꞌina kai ꞌite ko ai a au, ꞌe ko ai tōꞌoku Matuꞌa. ꞌĀhani e ꞌite rō ꞌana e kōrua ko ai a au, ko ꞌite takoꞌa ꞌana ko ai tōꞌoku Matuꞌa.

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

Aŋa o te ꞌĀpōtoro 17:23

I uꞌi i oho era a au i te kona aŋa o kōrua i te tūtia, he takeꞌa e au e tahi o rā ŋā kona e pāpaꞌi rō ꞌā ꞌi ruŋa: “Ki te ꞌatua taꞌe ꞌite mai ko ai a ia”. ꞌE, ka ai atu kai ꞌite hia a kōrua ko ai, ko haꞌamuri ko oho nō mai era ꞌā kōrua ki a ia. Hora nei, ꞌī a au he haka ꞌite atu ko ai a ia.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 3:11

ꞌIna e tahi kope aŋi-aŋi i te parautiꞌa o ruŋa i a ia. ꞌE ꞌina takoꞌa e tahi kope haŋa hai māhatu mo ꞌite o ruŋa ōꞌona.

1 Kōrinto 1:21

Te ꞌAtua, paꞌi, ꞌi tōꞌona mārama-rama ꞌAtua i kī ai: te taŋata e ko riva mo ꞌite ko ai a ia hai mārama-rama taŋata mau nō. ꞌE, ꞌi tōꞌona riva rahi, i manaꞌu ai mo haka eꞌa i te taŋata mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa hai haka moe o rāua i te manaꞌu ꞌi ruŋa i tāꞌana roŋo o ruŋa i a Ietū Kiritō, roŋo haka ꞌite e mātou, ka ai atu he meꞌe maꞌa-maꞌa nō atu e tahi mo te nuꞌu taꞌe haka moe i te manaꞌu ꞌi ruŋa i a Ietū.

1 Kōrinto 15:34

E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

ꞌEvereo 8:11

ꞌI rā noho iŋa, ¿mo aha atu ꞌā a rāua ana hāpī haka ꞌou ki te huaꞌai ꞌe ki te nuꞌu o te henua o ruŋa i a au? Taꞌatoꞌa nō, paꞌi, ka ꞌite ena ko ai a au, mai te kope hopeꞌa o te ꞌiti-ꞌiti ki te kope hopeꞌa o te nui-nui.

1 Iovani 1:9

ꞌE mo kī o tātou ki te ꞌAtua i te tātou hara, he haka kore e ia, ꞌe he haka maꞌitaki i te meꞌe taꞌatoꞌa taꞌe tano o roto i te tātou māhatu, ꞌi te ai ōꞌona he ꞌAtua aŋa i te meꞌe tī-tika ꞌe haka tano i tāꞌana meꞌe kī.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 16:5

I oho era he ŋaroꞌa e au i te merahi hāpaꞌo vai e kī ꞌā ki te ꞌAtua: «E te ꞌAtua moꞌa ē, ꞌAtua o te hora nei ꞌe o muꞌa ꞌā, ko tano ꞌana koe i haka ūtuꞌa ena i te taŋata.