Iovani 17:22 - Rapa Nui

²² »Te nuꞌu vaꞌai mai era e koe ko haka nui-nui ꞌana e au pa he haka nui-nui iŋa mai era ōꞌou i a au, mo riro o rāua e tahi mau nō pē tātou.

Iovani 17:22 ပူးပေါင်းရင်းမြစ်များ

Marko 6:7

E tahi mahana he haka taka-taka e Ietū i tāꞌana nuꞌu hāpī e hoꞌe ꞌahuru mā piti, ꞌe he uŋa hoko rua hoko rua koia ko vaꞌai i te parau ꞌe i te pūai mo haka eꞌa i te tātane oꞌo ki roto i te taŋata.

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:16

ꞌE, ꞌi te riva rahi ōꞌona, he haꞌamaitai nō mai te aŋa i a tātou.

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.

1 Iovani 4:17

Hai haŋa ki te rua e takeꞌa ena e maꞌu rō ꞌana a tātou i te haŋa o te ꞌAtua ꞌi roto i te tātou māhatu. Pē ira, ꞌi te mahana o te ture hopeꞌa, e ko haꞌamā tātou ꞌi te meꞌe era te noho iŋa o tātou ꞌi te ao nei pa he noho iŋa era ꞌā o Ietū Kiritō.

Meꞌe Haka Takeꞌa 21:14

I titi ai rā ꞌāua ꞌi ruŋa i te paeŋa e hoꞌe ꞌahuru mā piti, ꞌe ꞌi ruŋa i rā ŋā paeŋa i pāpaꞌi ai te ꞌīŋoa o te hoꞌe ꞌahuru mā piti ⌊ꞌāpōtoro⌋ o te Māmoe.