Iovani 17:20 - Rapa Nui

²⁰ »Taꞌe nō a au e ani atu ena mo rāua, mo te nuꞌu takoꞌa ka haka moe ena i te rāua manaꞌu ꞌi ruŋa i a au, he haka roŋo ꞌe he haꞌatura ki te roŋo riva-riva o ruŋa i a au ka hāpī era e rāua.

Iovani 17:20 ပူးပေါင်းရင်းမြစ်များ

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Aŋa o te ꞌĀpōtoro 2:41

Te nuꞌu i haka roŋo hai māhatu ki tū ŋā meꞌe kī era e Pētero ꞌe i haka moe i te manaꞌu ꞌi ruŋa, he haka papatito i a rāua. Pē ira, ꞌi rā mahana mau ꞌā, i ꞌata rahi ai te nūnaꞌa taŋata haka moe i te manaꞌu ꞌi ruŋa i a Ietū e toru taꞌutini haka ꞌou taŋata.

Aŋa o te ꞌĀpōtoro 4:4

O te nuꞌu haka roŋo i te rāua vānaŋa nuꞌu rahi i ⌊haka moe i te manaꞌu⌋ ꞌi ruŋa i a Ietū. Pē ira i ꞌata rahi ai rā nuꞌu; mo tataku i te ŋāŋata nō he hāhine ki te pae taꞌutini.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

2 Timoteo 1:2

he ꞌaroha atu hai haŋa ki a koe, e Timoteo ē. A koe pa he poki parautiꞌa mau ꞌā ꞌāꞌaku. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua Matuꞌa, ꞌe o Ietū Kiritō, he Pūꞌoko Haka Tere o tātou.