Iovani 17:2 - Rapa Nui

² »Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

Iovani 17:2 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Iovani 17:6

»E Koro, ki te nuꞌu vaꞌai mai e koe o te ao nei i haka ꞌite ai e au ko ai mau a koe. ꞌĀꞌau rā nuꞌu, ꞌe ꞌāꞌau i vaꞌai mai, ꞌe, ko haka roŋo ꞌana ki taꞌa vānaŋa.

Iovani 17:9

»He ani atu au mo rāua, taꞌe mo te nuꞌu o te ao nei taꞌe ⌊haka moe i te manaꞌu⌋ ꞌi ruŋa i a au, mo te nuꞌu vaꞌai mai era e koe ꞌo te ai ꞌāꞌau rāua.

Iovani 3:35

»E haŋa rahi rō ꞌana te Matuꞌa ki tāꞌana Poki, ꞌe ko vaꞌai ꞌana ki a ia i te parau o te meꞌe taꞌatoꞌa.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:39

ꞌE tāꞌana meꞌe haŋa he taꞌe ŋaro e tahi o te nuꞌu vaꞌai mai e ia, ꞌe he haka ora e au i a rāua mai te mate ꞌi te mahana o te ture hopeꞌa.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

Ēfeto 1:20

ꞌi te hora haka ora i a Ietū mai te mate ꞌe haka noho i a ia ꞌi tōꞌona pāꞌiŋa mataꞌu ꞌi te raŋi.

Fīripo 2:10

ki tū-turi ꞌe ki haꞌamuri tahi ai ki a Ietū te meꞌe taꞌatoꞌa ꞌi te raŋi, ꞌi ruŋa i te henua ꞌe ꞌi te pōꞌauahi,

1 Timoteo 1:16

ꞌE te ꞌAtua i haka ꞌaroha nō mai, ki haka takeꞌa ai e Ietū Kiritō ꞌi ruŋa i a au, kope hara taparahi-taꞌata, i te roa o tōꞌona huru haumārū mo tiaki ki te nuꞌu hara mo huri i te rāua manaꞌu ki a ia. Pē ira a au i ai ai pa he haꞌaauraꞌa mo haka moe o te nuꞌu i te manaꞌu ꞌi ruŋa i a Ietū, mo ravaꞌa e rāua i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.

1 Iovani 1:2

Te kope nei i a ia te ora ꞌāpī ꞌina he hopeꞌa raꞌa i haka takeꞌa rō i a ia ki te taŋata. I takeꞌa rō e mātou ꞌe he mataꞌite mātou ōꞌona. ꞌO ira e haka ꞌite atu ena o ruŋa i a ia. ꞌI muri i te ꞌAtua Matuꞌa a ia, ꞌe i haka takeꞌa rō mai ki a mātou.

1 Iovani 2:25

ꞌE te meꞌe hōrea mai era e Ietū Kiritō ko te meꞌe nei: he ora ꞌāpī ꞌina he hopeꞌa raꞌa.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Hura 1:21

E uꞌi ꞌo rehu te rahi o te haŋa o te ꞌAtua mo tātou. ꞌE e tiaki ki te mahana ka vaꞌai mai ena e te tātou Pūꞌoko Haka Tere ko Ietū Kiritō, hai riva rahi ōꞌona, i te ora ꞌāpī ꞌina he hopeꞌa raꞌa.