Iovani 16:30 - Rapa Nui

³⁰ A mātou ko ꞌite ꞌana ꞌi te hora nei: a koe ko ꞌite tahi ꞌana i te meꞌe, ꞌātā ki te mātou meꞌe manaꞌu mo ꞌui atu. ꞌO ira he parautiꞌa mau ꞌā mo mātou: a koe mai te ꞌAtua i oho mai ai.

Iovani 16:30 ပူးပေါင်းရင်းမြစ်များ

Iovani 16:17

Tētahi o te nuꞌu hāpī ꞌa Ietū he ꞌui ki a rāua ꞌā: «¿He aha te auraꞌa o te meꞌe kī mai era pē nei ē: ꞌina he hora toe he ŋaro a ia, ꞌe pe muꞌa ꞌiti he takeꞌa haka ꞌou? ꞌE, takoꞌa, ¿he aha te auraꞌa o te meꞌe kī mai ena he oho a ia ki te Matuꞌa?

Iovani 16:23

»ꞌI rā mahana e ko ꞌui haka ꞌou mai kōrua e tahi meꞌe. ꞌE ꞌī a au he kī atu: he vaꞌai atu e te Matuꞌa i te meꞌe taꞌatoꞌa o kōrua ka no-noꞌi ena hai ꞌīŋoa ōꞌoku.

Iovani 16:26

ꞌI rā mahana he no-noꞌi kōrua hai ꞌīŋoa ōꞌoku. ¿Mo aha ꞌana a au ana no-noꞌi ki te Matuꞌa mo kōrua? Mo kōrua mau ꞌā e no-noꞌi.

Iovani 16:31

He pāhono e Ietū: —¿He aŋi mau ꞌā he parautiꞌa mo kōrua?

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Iovani 5:20

Te Matuꞌa e haŋa rahi rō ꞌana ki tāꞌana Poki ꞌe e haka takeꞌa tahi rō ꞌana i tāꞌana meꞌe aŋa. Pe muꞌa ka oho ena, he haka takeꞌa ki a ia i te meꞌe ꞌata nui-nui ꞌe, ka aŋa ena, he māere kōrua.

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.