Iovani 16:3 - Rapa Nui

³ Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 16:3 ပူးပေါင်းရင်းမြစ်များ

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Iovani 15:23

Te nuꞌu maꞌu i te riri mōꞌoku e maꞌu takoꞌa rō ꞌā i te riri mo tōꞌoku Matuꞌa.

Iovani 17:25

»E Koro riva ē, te taŋata o te ao nei taꞌe haka moe i te manaꞌu ꞌi ruŋa i a au kai ꞌite ko ai koe, ko au te meꞌe i ꞌite. Te nuꞌu hāpī nei ꞌāꞌaku ko ꞌite ꞌā: ꞌāꞌau a au i uŋa mai.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 8:19

He ꞌui ia e rā nuꞌu: —¿ꞌI hē tuꞌu matuꞌa? He pāhono e Ietū: —A kōrua ꞌina kai ꞌite ko ai a au, ꞌe ko ai tōꞌoku Matuꞌa. ꞌĀhani e ꞌite rō ꞌana e kōrua ko ai a au, ko ꞌite takoꞌa ꞌana ko ai tōꞌoku Matuꞌa.

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

Aŋa o te ꞌĀpōtoro 3:17

»E kuā taina ē, ko ꞌite ꞌana a au hora tiŋaꞌi era e kōrua ꞌe e te kōrua nuꞌu ra-rahi i a Ietū, ꞌina kōrua kai aŋi-aŋi he aha te kōrua meꞌe i aŋa.

1 Kōrinto 2:8

Rā meꞌe manaꞌu era e te ꞌAtua mo aŋa ꞌina kai aŋi-aŋi e te nuꞌu pūꞌoko haka tere o te ao nei. ꞌĀhani, paꞌi, a rāua i aŋi-aŋi, e ko veo ꞌi ruŋa i te tātaurō i te tātou Pūꞌoko Haka Tere, kope i a ia te parau o te meꞌe taꞌatoꞌa.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

1 Timoteo 1:13

ka ai atu ꞌi muꞌa ꞌā e kī rō ꞌana e au i te vānaŋa taꞌe tano mōꞌona, e tute rō ꞌana a au mo tōtōā i tāꞌana nuꞌu, ꞌe e vā-vā takoꞌa rō ꞌana i a rāua. ꞌE te ꞌAtua i haka ꞌaroha nō i a au ꞌo te ai ꞌi rā hora kai haka moe ꞌana a au i te manaꞌu ꞌi ruŋa i a Ietū, ꞌe kai ꞌite ꞌana a au he aha tāꞌaku meꞌe e aŋa era.

1 Iovani 2:23

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Iovani 4:8

ꞌE te kope taꞌe haŋa ki te rua, ꞌina he māhani i te ꞌAtua; te ꞌAtua, paꞌi, he haŋa.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.