Iovani 16:22 - Rapa Nui

²² Pē ira takoꞌa ꞌana te kōrua mamae ena. Ki piri haka ꞌou a tātou, he koa te kōrua māhatu, ko te koa ena ꞌina he rua kope mo hiko.

Iovani 16:22 ပူးပေါင်းရင်းမြစ်များ

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

Aŋa o te ꞌĀpōtoro 13:52

ꞌE, te nuꞌu haka moe i te manaꞌu ꞌi ruŋa i a Ietū haka rē e kuā Pauro ꞌi Antiokia o Pitiria ko koa atu ꞌana ꞌe ko ꞌī ꞌā e te pūai o te Vārua Maitai.

Iovani 16:6

Te meꞌe nō, ko mamae ꞌana te kōrua māhatu ꞌo te kī atu ōꞌoku i te meꞌe nei.

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

Aŋa o te ꞌĀpōtoro 16:25

Pe te ꞌahuru mā piti o te pō, e pure ꞌe e hīmene nō ꞌā a Pauro ararua ko Tira ki te ꞌAtua ꞌe te tētahi nuꞌu puru e haka roŋo ꞌana ki a rāua,

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Iovani 21:7

ꞌI tū hora ꞌā i aŋi-aŋi ai e te kope haŋa rahi ꞌa Ietū ꞌe he kī ki a Pētero: «¡Ko Ietū te meꞌe era!». I ꞌite era e Pētero ko Ietū tū meꞌe era, he uru i tōꞌona kahu, he rere ki roto i te vai he kau he oho ki ꞌuta.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 14:1

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 24:41

He māere tū nuꞌu era koia ko koa, ꞌe, ka ai atu pē ira, ko te ꞌaka-ꞌaka iŋa ꞌana te manaꞌu pē nei ē: ko Ietū ꞌō rā meꞌe. ꞌO ira i ꞌui ai e Ietū: «¿ꞌIna ꞌō kōrua meꞌe mo kai?».

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 10:42

E tahi mau nō meꞌe hopeꞌa o te riva-riva, ꞌe ko rā meꞌe te meꞌe haŋa ꞌa Māria, ꞌe ꞌina e tahi kope mo ravaꞌa mo toꞌo i rā meꞌe mai i a ia.

Māteo 28:8

He oho tū ŋā viꞌe era mai rā kona e horo-horou rō ꞌā koia ko riꞌa-riꞌa ꞌe ko koa haka ꞌite i tū parau ꞌāpī era ki te nuꞌu hāpī ꞌa Ietū.

Iovani 16:20

ꞌĪ a au he kī atu: e ta-taŋi rō ꞌe e koromaki rō kōrua, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e koa rō. ꞌE, ka ai atu e koromaki rō kōrua, te koromaki era e huri rō ki te koa.

Ruka 19:26

»He pāhono e tū ꞌariki era: “Te kope ꞌata rahi o te meꞌe, ꞌata rahi ka vaꞌai ena; ꞌe te kope ꞌina e tahi ꞌāꞌana meꞌe, ꞌātā ki te meꞌe manaꞌu e ia ꞌāꞌana ka hiko ena.

Iovani 16:16

»ꞌIna he hora toe he ŋaro a au. ꞌE pe muꞌa ꞌiti he takeꞌa haka ꞌou e kōrua i a au.

Iovani 14:19

Mahana taꞌe rahi nō te mahana toe mo takeꞌa i a au e te nuꞌu o te ao nei taꞌe haka moe i te manaꞌu ꞌi ruŋa i a au. Mo kōrua nō a au e takeꞌa, ꞌe he ora kōrua ꞌi te ai e ora rō ꞌana a au.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.