Iovani 16:2 - Rapa Nui

² A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Iovani 16:2 ပူးပေါင်းရင်းမြစ်များ

Māteo 10:28

ꞌIna kōrua ko riꞌa-riꞌa ꞌi te nuꞌu he hakari nō te meꞌe o rāua mo ravaꞌa mo tiŋaꞌi mo haka mate, taꞌe he vārua o kōrua; ka riꞌa-riꞌa ꞌi te ꞌAtua, he kope i a ia te parau mo hoa i te hakari ararua ko te vārua ki roto i te pōꞌauahi.

Māteo 24:9

»E vaꞌai rō i a kōrua ki te nuꞌu mo tōtōā; e tiŋaꞌi e haka mate rō, ꞌe e maꞌu rō te riri mo kōrua e te taŋata o te hau taꞌatoꞌa, he haka moe o kōrua i te manaꞌu ꞌi ruŋa i a au.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 12:42

Ka ai atu pē ira, meꞌe rahi hūrio ra-rahi i ⌊haka moe i te manaꞌu⌋ ꞌi ruŋa i a Ietū, ꞌātā te tētahi nuꞌu hopeꞌa o te ra-rahi. Te meꞌe nō, ꞌina he haka ꞌite ꞌi muꞌa o te taŋata he riꞌa-riꞌa ꞌi te fariseo, ꞌo haka eꞌa mau rō ꞌāvai i a rāua mai roto i te ⌊hare pure hūrio⌋.

Iovani 16:25

»Ki te hora nei e vānaŋa atu ena a au hai ꞌaꞌamu haꞌaauraꞌa. ꞌE, ꞌī ko hāhine ꞌā te hora mo taꞌe vānaŋa haka ꞌou atu pē ira. Hai vānaŋa mo aŋi-aŋi riva-riva e kōrua ka haka ꞌite atu ena o ruŋa o te ꞌAtua Matuꞌa.

Iovani 16:32

Nā he tuꞌu mai te hora, ko te hora mau nei ꞌā, he maraŋa tahi kōrua ki te kōrua kona, ꞌe he haka rē kōrua i a au hoko tahi nō. Nōatu. Taꞌe a au hoko tahi nō; ararua māua ko te Matuꞌa.

Iovani 4:21

He pāhono e Ietū: —Ka haka roŋo mai. Nā ko hāhine ꞌā te mahana e ko tātake haka ꞌou ꞌi hē te kona tano mo haꞌamuri ki te ꞌAtua, hoki ꞌi nei ꞌo ꞌi Hērutarema.

Iovani 4:23

E tuꞌu rō te hora, ko te hora mau nei ꞌā, te nuꞌu haꞌamuri parautiꞌa ki te ꞌAtua e haꞌamuri rō hai māhatu ꞌe hai hāꞌūꞌū o te ⌊Vārua Maitai⌋. Pē ira te haꞌamuri haŋa mau o te ꞌAtua Matuꞌa.

Iovani 9:22

I kī ai i te meꞌe nei e tōꞌona ŋā matuꞌa era he riꞌa-riꞌa ꞌo te ꞌite: te nuꞌu hūrio ra-rahi ko haꞌaꞌau era ꞌana mo haka eꞌa mau rō ꞌai mai roto i te hare pure i te nuꞌu kī: a Ietū he ⌊Kiritō⌋.

Iovani 9:34

He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Aŋa o te ꞌĀpōtoro 5:33

I ŋaroꞌa era i te meꞌe nei e tū nuꞌu ra-rahi era, he ꞌata riri rō atu ꞌai, ꞌe he haŋa ananake mo tiŋaꞌi mo haka mate i tū nuꞌu era.

Aŋa o te ꞌĀpōtoro 7:56

He kī ia: «¡Ē, ka uꞌi rā kōrua! ꞌĪ e takeꞌa mai nei i te raŋi e ha-hata rō ꞌā, ꞌe i te ⌊Poki o te taŋata⌋ ꞌi te pāꞌiŋa mataꞌu o te ꞌAtua».

1 Kōrinto 4:13

E reo-reo ena o ruŋa i a mātou, hai vānaŋa riva-riva e mātou e pāhono ena. ꞌE ꞌātā ki ꞌaŋarīnā, e haꞌariro ena i a mātou e te nuꞌu pa he iŋo-iŋo ꞌe pa he meꞌe hopeꞌa o te taꞌe hauhaꞌa.

Fīripo 3:6

ki te roa, ꞌina e tahi nuꞌu mo kī e hape rō ꞌana a au, ꞌe ꞌātā he kimi nō tāꞌaku aŋa i te nuꞌu ⌊haka moe i te manaꞌu⌋ ꞌi ruŋa i a Ietū mo tōtōā.

Meꞌe Haka Takeꞌa 6:9

I kume era e te Māmoe i te rima tāmaꞌu, he takeꞌa e au ꞌi raro o te ⌊fata⌋ i te vārua o te nuꞌu mā-mate, tiŋaꞌi e te nuꞌu ꞌo te haka ꞌite ꞌo te oho i te ⌊roŋo riva-riva o te ꞌAtua⌋ ꞌe ꞌo te maꞌu i rā roŋo pa he meꞌe o rāua.