Iovani 16:16 - Rapa Nui

¹⁶ »ꞌIna he hora toe he ŋaro a au. ꞌE pe muꞌa ꞌiti he takeꞌa haka ꞌou e kōrua i a au.

Iovani 16:16 ပူးပေါင်းရင်းမြစ်များ

Marko 16:19

I oti era a Ietū te vānaŋa, he maꞌu he iri e te ꞌAtua ki te raŋi. He noho ia a Ietū ꞌi te pāꞌiŋa mataꞌu o te ꞌAtua.

Iovani 12:35

He kī e Ietū: —Mahana taꞌe rahi te mahana toe ka noho atu ena ꞌi roto i a kōrua te mōrī haka māꞌeha i te kōrua manaꞌu. ꞌO ira, ka hāꞌere ꞌi roto i te māꞌeha mai ai atu ꞌana te mōrī, ꞌo ravaꞌa a kōrua e te pōhāhā. Te kope haꞌere, paꞌi, a roto i te pōhāhā, ꞌina he takeꞌa a hē a ia e oho ena.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 16:10

te kope ꞌina e tahi hape: ko au mau nei ꞌā ka iri nei ki te Matuꞌa, ꞌe e ko takeꞌa haka ꞌou e kōrua;

Iovani 16:22

Pē ira takoꞌa ꞌana te kōrua mamae ena. Ki piri haka ꞌou a tātou, he koa te kōrua māhatu, ko te koa ena ꞌina he rua kope mo hiko.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 16:5

Hora nei he hoki a au ki te kope ꞌāꞌana a au i uŋa mai, ꞌe ꞌina ꞌā e tahi o kōrua i ꞌui mai ki hē au ka oho nei.

Iovani 17:13

»ꞌĪ a au he oho atu ki a koe ena. Hora nei ōꞌoku ꞌi te ao nei ꞌā e kī nei e au i te ŋā meꞌe nei mo te rāua riva-riva, mo koa o rāua pa he koa riꞌa-riꞌa nei ōꞌoku.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 7:33

ꞌE a Ietū ko te vānaŋa iŋa ꞌā ki te nuꞌu e kī era: «E ko roa a au ka noho atu ena ꞌi muri i a kōrua. Ki oti he hoki a au ki muri i te kope uŋa mai i a au.

Aŋa o te ꞌĀpōtoro 1:3

I ora era mai te mate, he haka takeꞌa i a ia ki rā nuꞌu mo aŋi-aŋi e rāua ko ora ꞌā a ia. E maha ꞌahuru mahana i haka takeꞌa i oho ai a Ietū i a ia ꞌe i vānaŋa ai o ruŋa i te ⌊haka tere iŋa ꞌāpī o te ꞌAtua⌋.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.