Iovani 16:13 - Rapa Nui

¹³ Ki tuꞌu mai te Vārua o te parautiꞌa, he haka aŋi-aŋi he oho atu i te parautiꞌa taꞌatoꞌa o te ꞌAtua. Taꞌe hai manaꞌu ōꞌona ꞌā ka vānaŋa atu ena, hai meꞌe i ŋaroꞌa e ia, ꞌe he haka ꞌite takoꞌa atu he aha te meꞌe ka topa ena.

Iovani 16:13 ပူးပေါင်းရင်းမြစ်များ

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 14:26

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Iovani 16:12

»E rahi nō ꞌana tāꞌaku meꞌe mo kī atu; ꞌe, mo kī atu ōꞌoku ꞌi te hora nei, e ko aŋi-aŋi e kōrua.

Iovani 3:32

ꞌe e haka ꞌite mai ꞌana o ruŋa o tāꞌana meꞌe i ŋaroꞌa ꞌe i takeꞌa, ꞌe taŋata taꞌe rahi te taŋata i haka roŋo ki tāꞌana vānaŋa.

Iovani 8:38

A au e vānaŋa nei hai meꞌe i haka ꞌite ꞌe i haka takeꞌa mai e tōꞌoku Matuꞌa. A kōrua takoꞌa e aŋa ena i te meꞌe i takeꞌa ꞌe i ŋaroꞌa mai te kōrua matuꞌa.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 20:23

Te meꞌe nō ꞌāꞌaku i ꞌite: ꞌi te kona taꞌatoꞌa oho ōꞌoku, e haka ꞌite rō mai ꞌana e te Vārua Maitai: te meꞌe tiaki mai ꞌi Hērutarema he hare maꞌuꞌaurī ꞌe he rauhuru haka ꞌou atu o te ꞌati.

Aŋa o te ꞌĀpōtoro 27:24

mo kī mai: “ꞌIna koe ko riꞌa-riꞌa, e Pauro ē. E ko taꞌe tuꞌu koe ki muꞌa o te ꞌariki rōmano. Hai koe te ꞌAtua ka haka ora ena i te nuꞌu taꞌatoꞌa o ruŋa i te pahī nei”.

2 Tētārōnika 2:12

ki haka ūtuꞌa ai e te ꞌAtua i te nuꞌu taꞌatoꞌa taꞌe haŋa mo ⌊haka moe i te manaꞌu⌋ ꞌi ruŋa i te roŋo parautiꞌa, nuꞌu haŋa mau nō mo aŋa i te meꞌe taꞌe tano.

2 Tētārōnika 2:3

Te meꞌe nei ꞌāꞌaku e kī atu ena: e uꞌi kōrua ꞌo haka roŋo rō ki te reo-reo kī atu e te nuꞌu. ꞌI raꞌe, paꞌi, ki te hoki iŋa mai o Ietū, e rahi rō te nuꞌu riri mo te ꞌAtua ꞌe haka tumu i te ture ki a ia. ꞌI rā hora ka eꞌa mai ena e tahi taŋata riri taparahi-taꞌata mo te ꞌAtua, kope mōꞌona ko ai era ꞌana te ūtuꞌa he pōꞌauahi.

ꞌEvereo 1:1

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era.

1 Iovani 2:20

ꞌE a kōrua ko haꞌataꞌa ꞌana e Ietū Kiritō māꞌana hai vaꞌai atu i te ⌊Vārua Maitai⌋. ꞌO ira a kōrua taꞌatoꞌa e ꞌite ena i te hāpī parautiꞌa.

1 Iovani 2:27

ꞌIna ko rehu: a kōrua ko haꞌataꞌa ꞌā e Ietū Kiritō māꞌana hai vaꞌai atu i te Vārua Maitai, ꞌe taꞌe i te taŋata te vānaŋa hopeꞌa o ruŋa i te meꞌe o te ꞌAtua. Mo te Vārua Maitai e haka ꞌite atu o ruŋa i te meꞌe taꞌatoꞌa ꞌe tāꞌana hāpī he parautiꞌa, taꞌe he reo-reo. ꞌE, pa he meꞌe haka ꞌite atu e ia, ꞌina kōrua ko haka tapa mai muri i a Ietū Kiritō.

1 Iovani 4:6

ꞌE a tātou o te ꞌAtua. Te kope māhani i te ꞌAtua ki a tātou e haka roŋo mai ena, ꞌe te kope taꞌe o te ꞌAtua e ko haka roŋo mai. Hai meꞌe nei e ꞌite ena e tātou ko ai te kope i a ia te Vārua kī i te parautiꞌa ꞌe ko ai te kope i a ia te vārua kī i te reo-reo.

1 Iovani 5:6

Te ꞌAtua i haka takeꞌa ai pē nei ē: a Ietū Kiritō he Poki ꞌāꞌana, ꞌi te hora ⌊papatito⌋ hai vai, ꞌe ꞌi te hora pariŋi o tōꞌona toto ꞌi ruŋa i te tātaurō. Te ⌊Vārua Maitai⌋ he mataꞌite o te meꞌe nei, ꞌe tāꞌana meꞌe kī he parautiꞌa.

Meꞌe Haka Takeꞌa 1:1

Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 1:19

»E Iovani, e pāpaꞌi te meꞌe taꞌatoꞌa ena ka haka takeꞌa atu ena e au: he meꞌe mo topa ꞌi te hora nei ꞌe he meꞌe mo topa pe muꞌa ka oho ena.