Iovani 16:11 - Rapa Nui

¹¹ ꞌe te kope ꞌi ruŋa i a ia ka topa ena te ture o te ꞌAtua: ko te kope ena ꞌāꞌana te ao te haka tere, te auraꞌa, ko Rukifero, he kope ko ai era ꞌā tōꞌona ūtuꞌa.

Iovani 16:11 ပူးပေါင်းရင်းမြစ်များ

Māteo 12:18

«ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Māteo 12:36

ꞌĪ a au he kī atu: ꞌi te mahana o te ture hopeꞌa, e tahi e tahi ka kī ena ki te ꞌAtua i te tumu o tāꞌana vānaŋa taꞌe tano kī.

Ruka 10:18

He kī e Ietū: —ꞌĒ-ē, i takeꞌa rō e au i a Rukifero te viri iŋa mai te raŋi pa he ꞌuira.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Iovani 14:30

ꞌIna a au e ko vānaŋa rahi haka ꞌou atu; nā, paꞌi, e oho mai ena te kope ꞌāꞌana te ao nei te haka tere. ꞌE, ka ai atu ꞌāꞌana te haka tere, taꞌe i a ia te parau ōꞌoku.

Iovani 16:12

»E rahi nō ꞌana tāꞌaku meꞌe mo kī atu; ꞌe, mo kī atu ōꞌoku ꞌi te hora nei, e ko aŋi-aŋi e kōrua.

Aŋa o te ꞌĀpōtoro 10:42

ꞌE ko uŋa mai ꞌā i a mātou mo haka ꞌite ki te taŋata ko vaꞌai ꞌā e te ꞌAtua i te parau ki a ia mo ture ki te nuꞌu ora ꞌe ki te nuꞌu mate.

Aŋa o te ꞌĀpōtoro 24:25

I vānaŋa era a Pauro o ruŋa o te noho iŋa tano ki te mata o te ꞌAtua, o ruŋa i te haŋa o te ꞌAtua mo ꞌite o te taŋata mo hāito i te rāua meꞌe kī ꞌe i te rāua meꞌe aŋa, ꞌe o ruŋa o te ture hopeꞌa o te ꞌAtua pe muꞌa ka oho ena, he riꞌa-riꞌa rō atu ꞌai a Fēriki ꞌe he kī: «¡Ko oti ꞌā! Ka eꞌa koe ka oho. ꞌI tōꞌoku hora topa he hāꞌaki atu a au mo hoki mai ōꞌou mo vānaŋa o tāua».

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Rōmano 16:20

Pē ira e ko roa he toꞌo mai e te ꞌAtua, vaꞌai i te haumārū, he haka hēpiꞌi i a Rukifero ꞌi raro i te kōrua vaꞌe. Ka ai ꞌi ruŋa i a kōrua te riva rahi o Ietū, he Pūꞌoko Haka Tere o tātou.

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Kōrosa 2:15

ꞌI rā hora i haka kore takoꞌa ai e te ꞌAtua i te pūai ꞌe i te tōroꞌa mai ruŋa i te ŋā kope ena ꞌina he takeꞌa mai haka tere i te ao nei ꞌe he haka takeꞌa mai ꞌina rāua pūai toe.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌEvereo 6:2

o ruŋa i te ⌊papatito⌋, o ruŋa i te haka puā iŋa hai rima ki te pūꞌoko mo haꞌamaitai, o ruŋa i te ora iŋa mai te mate, ꞌe o ruŋa i te ture hopeꞌa.

ꞌEvereo 9:27

E tahi mau nō mate iŋa o tātou o te taŋata ꞌe ki oti ka kī mai ena e te ꞌAtua i te tano ꞌe i te taꞌe tano o te tātou meꞌe aŋa.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.