Iovani 16:10 - Rapa Nui

¹⁰ te kope ꞌina e tahi hape: ko au mau nei ꞌā ka iri nei ki te Matuꞌa, ꞌe e ko takeꞌa haka ꞌou e kōrua;

Iovani 16:10 ပူးပေါင်းရင်းမြစ်များ

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 16:5

Hora nei he hoki a au ki te kope ꞌāꞌana a au i uŋa mai, ꞌe ꞌina ꞌā e tahi o kōrua i ꞌui mai ki hē au ka oho nei.

Iovani 3:14

Pa he haka tuꞌu iŋa e ⌊Mōtē⌋ i te pou ꞌi ruŋa te kōreha ꞌi te kona ꞌone taꞌe noho taŋata, pē ira takoꞌa ꞌana ka haka tuꞌu ena i te tātaurō ꞌi ruŋa te Poki o te taŋata,

Iovani 5:32

ꞌE, nā e ai rō ꞌana te mataꞌite vānaŋa riva-riva o ruŋa i a au, he Matuꞌa ōꞌoku, ꞌe ko ꞌite ꞌana e au: tāꞌana vānaŋa he aŋi mau ꞌā.

Iovani 7:33

ꞌE a Ietū ko te vānaŋa iŋa ꞌā ki te nuꞌu e kī era: «E ko roa a au ka noho atu ena ꞌi muri i a kōrua. Ki oti he hoki a au ki muri i te kope uŋa mai i a au.

Aŋa o te ꞌĀpōtoro 17:31

Te ꞌAtua ko uꞌi era ꞌana i te mahana mo ture e te kope haꞌataꞌa e ia i te taŋata taꞌatoꞌa o te ao hai tī-tika ꞌe hai parautiꞌa. ꞌE hai haka ora i rā kope mai te mate i haka aŋi-aŋi ai e te ꞌAtua ki te nuꞌu taꞌatoꞌa ko ai rā kope».

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Aŋa o te ꞌĀpōtoro 3:14

Kai haŋa a kōrua mo kī mo haka eꞌa i te taŋata aŋa i te meꞌe tī-tika ꞌe ꞌina he hara; he taŋata taparahi-taꞌata i haŋa e kōrua mo haka eꞌa.

Aŋa o te ꞌĀpōtoro 7:52

¿Ko ai o roto o te perofeta taꞌatoꞌa i taꞌe tōtōā e te kōrua tupuna? ꞌĀtā ko tiŋaꞌi ko haka mate ꞌana e rāua i te nuꞌu vānaŋa o ruŋa i te tuꞌu iŋa mai o te taŋata aŋa i te meꞌe tī-tika ꞌe ꞌina he hape, ꞌe ko tuꞌu mai ꞌā rā taŋata. »I tuꞌu mai era, he toꞌo mai e kōrua he vaꞌai ki te rima o te nuꞌu taꞌe haŋa ki a ia ꞌe he haka tiŋaꞌi he haka mate.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 5:5

ꞌE a tātou, te nuꞌu ꞌa Ietū Kiritō, hai ⌊Vārua Maitai⌋ e ꞌite nei: te ꞌAtua e kī rō: he nuꞌu tano a tātou ki tōꞌona mata ꞌo te ⌊haka moe i te manaꞌu⌋ ꞌi ruŋa i a Ietū.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.