Iovani 15:7 - Rapa Nui

⁷ »Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

Iovani 15:7 ပူးပေါင်းရင်းမြစ်များ

Māteo 7:7

»E no-noꞌi ki te ꞌAtua, he vaꞌai atu; e kimi, he haka takeꞌa atu; e pātōtō te ꞌōpani, he mātaki atu.

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 16:23

»ꞌI rā mahana e ko ꞌui haka ꞌou mai kōrua e tahi meꞌe. ꞌE ꞌī a au he kī atu: he vaꞌai atu e te Matuꞌa i te meꞌe taꞌatoꞌa o kōrua ka no-noꞌi ena hai ꞌīŋoa ōꞌoku.

Iovani 8:31

He kī e Ietū ki te hūrio ⌊haka moe i te manaꞌu⌋ ꞌi ruŋa i a ia: —Mo haka roŋo ꞌe mo haꞌatura mo oho nō kōrua ki tāꞌaku vānaŋa, he nuꞌu hāpī mau ꞌana ia kōrua ꞌāꞌaku;

Iovani 8:37

»Ko ꞌite ꞌana a au he hakaara kōrua o ꞌAparahama ꞌe ko ꞌite takoꞌa ꞌana e haŋa rō ꞌana kōrua mo tiŋaꞌi i a au, he taꞌe haŋa o kōrua ki tāꞌaku vānaŋa haka ꞌite atu.

Karatia 4:2

Te auraꞌa: e ai rō ꞌana te nuꞌu hāpaꞌo i a ia ꞌe i tāꞌana meꞌe taꞌatoꞌa ꞌātā ka tano rō te matahiti kī e tōꞌona matuꞌa.

Karatia 5:16

ꞌO ira, ꞌī a au he kī atu: e haka rē mo haka tere atu i a kōrua e te Vārua Maitai, ꞌo aŋa i te meꞌe taꞌe tano pohe nō e te hakari.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

1 Iovani 2:14

I pāpaꞌi atu ai a au, e te nuꞌu haka moe iho i te manaꞌu ꞌi ruŋa i a Ietū ē, ꞌo te ai ko māhani ꞌā a kōrua ki te ꞌAtua Matuꞌa. I pāpaꞌi atu ai a au, e te nuꞌu paꞌari ꞌi te meꞌe o te ꞌAtua ē, ꞌo te ai ko māhani ꞌana a kōrua i te kope ko ai era ꞌana ꞌi raꞌe ki te haꞌamata iŋa o te ao. I pāpaꞌi takoꞌa atu ai a au, e te nuꞌu pūai pa he ŋā poki ꞌāpī ē, he hio-hio o te kōrua haka moe iŋa i te manaꞌu ꞌi ruŋa i a Ietū; e maꞌu rō ꞌana, paꞌi, kōrua i te vānaŋa o te ꞌAtua ꞌi roto i te kōrua māhatu, ꞌe ko rē ꞌana kōrua ki a Rukifero.

1 Iovani 2:27

ꞌIna ko rehu: a kōrua ko haꞌataꞌa ꞌā e Ietū Kiritō māꞌana hai vaꞌai atu i te Vārua Maitai, ꞌe taꞌe i te taŋata te vānaŋa hopeꞌa o ruŋa i te meꞌe o te ꞌAtua. Mo te Vārua Maitai e haka ꞌite atu o ruŋa i te meꞌe taꞌatoꞌa ꞌe tāꞌana hāpī he parautiꞌa, taꞌe he reo-reo. ꞌE, pa he meꞌe haka ꞌite atu e ia, ꞌina kōrua ko haka tapa mai muri i a Ietū Kiritō.

1 Iovani 3:22

ꞌe he vaꞌai mai e ia i te taꞌatoꞌa meꞌe o tātou mo no-noꞌi ꞌo te ai e haꞌatura rō ꞌana a tātou ki tāꞌana roŋo ꞌe e aŋa rō ꞌā i tāꞌana meꞌe haŋa.

1 Iovani 5:14

A tātou, te nuꞌu haka moe i te manaꞌu ꞌi ruŋa i a Ietū, ꞌina he riꞌa-riꞌa mo no-noꞌi ki te ꞌAtua, he ꞌite o tātou: te ꞌAtua e haka roŋo rō mai ꞌana i te meꞌe no-noꞌi e tātou ana tano rā meꞌe ki tōꞌona manaꞌu.