Iovani 15:6 - Rapa Nui

⁶ Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

Iovani 15:6 ပူးပေါင်းရင်းမြစ်များ

Māteo 13:41

He uŋa e te Poki o te taŋata i tāꞌana merahi mo toꞌo mai roto o te haka tere iŋa ꞌāpī o te ꞌAtua i te nuꞌu haka hara i te rua ꞌe i te nuꞌu aŋa i te meꞌe taꞌe tano.

Māteo 27:5

He ava e Hura i rā ŋā tara ꞌaurī a roto i te Kona Haꞌamuri ꞌAtua. Ki oti he oho he tau reva-reva i a ia.

Māteo 3:10

Te ꞌōhio nā ko rito era ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Māteo 7:19

Taꞌatoꞌa tumu hua o te meꞌe rake-rake, he paꞌo he hoa ki roto i te ahi.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

ꞌEvereo 10:27

Te meꞌe toe nō mo tātou he ture taparahi-taꞌata o te ꞌAtua, ꞌe he ahi pūai haka ūtuꞌa i te nuꞌu hārui i te ꞌAtua hai tuaꞌivi.

2 Pētero 2:20

Te nuꞌu eꞌa mai roto i te meꞌe taꞌe tano o te ao nei hai ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara, mo haka rē i a rāua mo haka tere haka ꞌou e rā ŋā meꞌe, ka hopeꞌa ena ꞌata peore ki tū roa raꞌe era.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».