Iovani 15:5 - Rapa Nui

⁵ »Ko au te tumu vino, ko kōrua te maŋa. Mo raꞌu nō mai o kōrua ꞌi ruŋa i a au ꞌe a au ki a kōrua, he ꞌata rahi te hua iŋa; ꞌe mo kore ōꞌoku, e ko ravaꞌa e kōrua mo aŋa i te meꞌe tano ki te mata o te ꞌAtua.

Iovani 15:5 ပူးပေါင်းရင်းမြစ်များ

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Iovani 12:24

ꞌĪ a au he kī atu: te karu tariko mo taꞌe tanu ꞌi roto i te ꞌōꞌone, ꞌina e ko tupu, he topa he karu mau nō e tahi. ꞌE mo tanu ꞌi roto i te ꞌōꞌone, he tupu, ꞌe he rahi mai te kai.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 5:19

He kī ia e Ietū: «ꞌĪ a au he kī atu: Te Poki o te ꞌAtua e ko aŋa e tahi meꞌe hai manaꞌu ōꞌona hoko tahi nō; te meꞌe aŋa ꞌāꞌana he meꞌe takeꞌa mai tōꞌona Matuꞌa. Te meꞌe taꞌatoꞌa aŋa e te Matuꞌa he aŋa takoꞌa e te Poki.

Iovani 9:33

Mo taꞌe ai o te taŋata era mai te ꞌAtua i oho mai ai, e ko ravaꞌa e ia mo aŋa e tahi meꞌe tuꞌu pa he meꞌe nei.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.

1 Kōrinto 10:16

Hora ena o tātou o te nuꞌu ⌊haka moe i te manaꞌu⌋ ꞌi ruŋa i a Ietū e piri ena mo haka manaꞌu o ruŋa i tōꞌona mate, e ai rō ꞌana te tātou meꞌe unu, ꞌe mo rā meꞌe e māuru-uru nei tātou ki te ꞌAtua. He tāpaꞌo ko maꞌitaki ꞌana tātou ꞌi te toto o te Kiritō. ꞌE te haraoa mo-more kai e tātou he tāpaꞌo pē nei ē: mo tātou takoꞌa te meꞌe riva-riva ravaꞌa hai mate era o te Kiritō.

1 Kōrinto 12:12

Te hakari, ka ai atu e rahi rō ꞌā te kona, he meꞌe mau nō e tahi. Pē ira takoꞌa te Kiritō koia ko te nuꞌu taꞌatoꞌa haka moe i te manaꞌu ꞌi ruŋa i a ia he meꞌe e tahi mau nō.

1 Kōrinto 12:27

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

2 Kōrinto 13:8

Mo haꞌatura o kōrua ki te meꞌe parautiꞌa, ꞌina e tahi mātou meꞌe mo ture atu pa he ꞌāpōtoro. Te meꞌe mau nō mo aŋa he hāꞌūꞌū atu.

2 Kōrinto 9:10

O te ꞌAtua te vaꞌai i te karu ki te nuꞌu ꞌoka, ꞌe i te kai ki te taŋata. ꞌĀꞌana takoꞌa te vaꞌai ꞌe te haka rahi i te meꞌe ai o kōrua, mo ꞌata rahi o te kōrua hāꞌūꞌū ki te rua.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 5:9

ꞌE te meꞌe poreko mai te nuꞌu noho ꞌi roto i te māꞌeha he meꞌe riva-riva, tī-tika ꞌe parautiꞌa.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

Fīripo 4:17

Te meꞌe nei e au e kī atu ena taꞌe ꞌō he haŋa ōꞌoku mo hāꞌūꞌū mai; tōꞌoku haŋa mo ꞌata haꞌamaitai atu e te ꞌAtua ꞌo te hāꞌūꞌū mai o kōrua i a au.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

Tanatiako 1:17

taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

1 Pētero 2:4

E haka hāhine kōrua ki a ia, he māꞌea ora taꞌe haŋa era e te taŋata, māꞌea haꞌataꞌa e te ꞌAtua, ꞌe māꞌea hauhaꞌa rahi.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.