Iovani 15:22 - Rapa Nui

²² »ꞌĀhani a au i taꞌe tuꞌu mai ꞌe i taꞌe haka ꞌite i te parautiꞌa, e ko ai te rāua hape ꞌo te hārui mai i a au ꞌe i tāꞌaku vānaŋa hai tuaꞌivi. ꞌE, hora nei, ꞌina he ꞌōtohe toe mo te rāua hara.

Iovani 15:22 ပူးပေါင်းရင်းမြစ်များ

Ruka 12:46

he kī atu a au: ꞌi te hora ꞌe ꞌi te mahana e ko ꞌite hia e rā tāvini, ka tuꞌu era rā taŋata haka aŋa era i a ia, he haka ūtuꞌa hai ūtuꞌa ena mo te tāvini taꞌe haka roŋo.

Iovani 12:48

Te kope taꞌe haŋa mai ꞌe taꞌe haꞌatura ki tāꞌaku vānaŋa ko ai era ꞌana te meꞌe mo haka ūtuꞌa i a ia: he vānaŋa kī era e au. Hai rā vānaŋa ka haka ūtuꞌa ena ꞌi te mahana o te ture hopeꞌa.

Iovani 15:23

Te nuꞌu maꞌu i te riri mōꞌoku e maꞌu takoꞌa rō ꞌā i te riri mo tōꞌoku Matuꞌa.

Iovani 15:24

ꞌE, ꞌāhani i taꞌe aŋa e au i te mana kai aŋa ꞌā e te rua kope, e ko ai te rāua hape ꞌo te hārui mai i a au hai tuaꞌivi. A rāua ko takeꞌa ꞌana i tōꞌoku aŋa iŋa i te ŋā meꞌe nei ꞌe, ka ai atu pē ira, ko te maꞌu iŋa ꞌā i te riri mōꞌoku ꞌe mo tōꞌoku Matuꞌa.

Iovani 16:9

Te kope hara: he taŋata taꞌe ⌊haka moe i te manaꞌu⌋ ꞌi ruŋa i a au;

Iovani 19:11

He pāhono e Ietū: —E ko ai i a koe te parau o ruŋa ōꞌoku ꞌāhani i taꞌe haꞌatiꞌa atu e te ꞌAtua. ꞌO ira te kope vaꞌai atu era i a au ki a koe ꞌata hau ꞌi te hara ki a koe.

Iovani 9:41

He pāhono e Ietū: —ꞌĀhani kōrua he nuꞌu matapō mau ꞌā mo te meꞌe o te ꞌAtua, e ko paŋahaꞌa rahi te ūtuꞌa o te kōrua hara. ꞌE, ꞌi te kī e ꞌite rō ꞌana kōrua i te meꞌe o ruŋa i te ꞌAtua, ꞌata paŋahaꞌa te ūtuꞌa o te kōrua hara.

Aŋa o te ꞌĀpōtoro 17:30

Ko haka rehu ꞌā e te ꞌAtua te meꞌe aŋa e te taŋata ꞌi muꞌa ꞌā, he taꞌe aŋi-aŋi e rāua. ꞌE, hora nei, ꞌī e haka ꞌite ꞌā i tāꞌana roŋo ki te taŋata ꞌi te kona taꞌatoꞌa mo huri o te manaꞌu ki a ia ꞌe mo haka rē i te rāua ara taꞌe tano.

Rōmano 1:20

Ka ai atu te huru o te ꞌAtua taꞌe he meꞌe mo takeꞌa hai mata, mai te aŋa iŋa era ꞌā o te ao te ꞌAtua e haka ꞌite nō mai ena i tōꞌona huru hai tāꞌana meꞌe aŋa. ꞌE te taŋata haka topa i te manaꞌu o ruŋa i te meꞌe taꞌatoꞌa aŋa e te ꞌAtua he aŋi-aŋi: te kope aŋa era i rā ŋā meꞌe he ꞌAtua, i a ia te pūai ꞌina he hopeꞌa raꞌa. ꞌO ira ꞌina he ꞌōtohe toe o te nuꞌu era mo aŋa i te rāua meꞌe taꞌe tano.

Rōmano 2:1

ꞌO ira ꞌina he ꞌōtohe toe mōꞌou, e te kope tuhi i te hape o te rua ē, ka ai nō atu ko ai koe. Mo tuhi ōꞌou i te hape o te tētahi, e tuhi takoꞌa ꞌana koe i tuꞌu hape; te meꞌe aŋa, paꞌi, e rā nuꞌu, e aŋa takoꞌa rō ꞌana e koe.

Tanatiako 4:17

Te kope ꞌite i te meꞌe riva-riva mo aŋa ꞌe ꞌina he aŋa, e hara ꞌā.

1 Pētero 2:16

E noho kōrua pa he nuꞌu taꞌe haka tere e te meꞌe o te ao nei; te ꞌAtua, paꞌi, ko haka eꞌa ꞌana i a kōrua mai rā haka tere iŋa. ꞌE, ka ai atu pē ira, e uꞌi ꞌo riro te parautiꞌa nei he ꞌōtohe e tahi mo aŋa o kōrua i te meꞌe taꞌe tano. Te meꞌe haŋa mau: e noho kōrua pa he tāvini o te ꞌAtua.