Iovani 15:20 - Rapa Nui

²⁰ »E uꞌi ꞌo rehu tāꞌaku meꞌe kī atu: “ꞌIna e tahi tāvini ꞌata hau rō atu ki te kope haka aŋa i a ia”. Mo ai, paꞌi, i tute rō mai i a au mo tōtōā, he tute takoꞌa atu i a kōrua; ꞌe mo ai i haka roŋo rō ki tāꞌaku vānaŋa, he haka roŋo takoꞌa atu ki a kōrua.

Iovani 15:20 ပူးပေါင်းရင်းမြစ်များ

2 Timoteo 3:12

ꞌĪ a au he kī atu: te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū Kiritō, haŋa mo riro o rāua he nuꞌu moꞌa ꞌe haꞌatura ki a ia, e ꞌite: he tute i a rāua e te nuꞌu taꞌe haŋa ki te ꞌAtua mo tōtōā.

Iovani 13:16

ꞌĪ a au he kī atu: ꞌina he tāvini ꞌata hau ki te kope haka aŋa i a ia, ꞌe ꞌina he kope maꞌuroŋo ꞌata hau ki te kope haka uŋa i a ia.

Māteo 10:24

»Te kope e hāpī ꞌā taꞌe ꞌata hau ki tōꞌona maꞌori hāpī, ꞌe te tāvini taꞌe ꞌata hau ki te taŋata haka aŋa i a ia.

2 Kōrinto 4:9

He tute nō mai te aŋa i a mātou mo tōtōā e te nuꞌu taꞌe haŋa mai, ꞌe ꞌina te ꞌAtua he haka rē i a mātou; e tiŋaꞌi rō mai ꞌā e te nuꞌu ki te piꞌi-piꞌi, ꞌe e eꞌa haka ꞌou nō ꞌā a mātou ki ruŋa.

1 Kōrinto 4:12

ꞌe e rohi-rohi rō ꞌana ꞌi te aŋa iŋa. E taro-taro mai ena e te nuꞌu, hai haꞌamaitai e haka hoki nei e mātou; ꞌe e tute mai ena mo tōtōā, he haꞌaoromaꞌi e mātou.

Iovani 8:51

ꞌĪ a au he kī atu: te kope haka roŋo i tāꞌaku vānaŋa e ko mate ki te hora hopeꞌa.

Ruka 6:40

Te kope hāpī taꞌe i hau ki tōꞌona maꞌori; ki oti i te hāpī, ka ai era pē tōꞌona maꞌori.

1 Tētārōnika 2:15

O te ŋā hūrio nei i tiŋaꞌi i te tātou Pūꞌoko Haka Tere ko Ietū Kiritō, pa he tiŋaꞌi iŋa era ꞌi muꞌa ꞌā i te perofeta, ꞌe o rāua takoꞌa i tute i a mātou mai te ŋā tētahi kona era ꞌi ira e haka ꞌite era e mātou i te roŋo riva-riva o te ꞌAtua. Te ꞌAtua ꞌina he koa mo rāua ꞌo te rava uꞌi i te rāveꞌa mo taꞌe haka tano i te mātou aŋa, ꞌe nei aŋa mo te riva-riva o te taŋata taꞌatoꞌa.

Iovani 10:31

He toꞌo haka ꞌou e te hūrio i te māꞌea mo tau ki a Ietū,

Iovani 11:57

Ko kī era ꞌana, paꞌi, e te fariseo ꞌe e te ŋā oromatuꞌa ra-rahi era: kope nō era mo takeꞌa i a Ietū e haka ꞌite ki a rāua mo haka ꞌa-ꞌaru mo haka puru.

Iovani 8:59

He toꞌo ia e rā nuꞌu i te māꞌea mo tamaꞌi ki a Ietū. ꞌE, kai takeꞌa ia e rā nuꞌu i eꞌa i oho rō ai mai te Kona Haꞌamuri ꞌAtua.

Iovani 7:32

He ŋaroꞌa e te fariseo i te vānaŋa o tū nuꞌu era o ruŋa i a Ietū. He uŋa ia e rā ŋā fariseo ananake ko te ⌊oromatuꞌa ra-rahi⌋ i te mūtoꞌi o te Kona Haꞌamuri ꞌAtua mo ꞌa-ꞌaru i a Ietū.

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Ruka 2:34

He haꞌamaitai ia e Timione i a rāua ꞌe ꞌai ka kī ki a Māria: «Hai poki nei meꞌe rahi nō atu nuꞌu o Itaraera ka haka ūtuꞌa ena ꞌe meꞌe rahi nō atu nuꞌu ka ravaꞌa ena i te ora ꞌāpī ꞌina he hopeꞌa raꞌa. Mo rā meꞌe i haꞌataꞌa rō ai e te ꞌAtua i te poki nei. E riro rō a ia pa he tāpaꞌo haka takeꞌa i te meꞌe haŋa o te ꞌAtua, ꞌe meꞌe rahi nuꞌu ka taꞌe haŋa ena ki a ia.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Marko 10:39

He pāhono e rā ŋā kope: —ꞌĒ-ē, e meꞌe nō e māua. He kī e Ietū: —He aŋi ꞌā. E ꞌamo takoꞌa rō e kōrua i te ꞌati pē au, ꞌe e mate takoꞌa rō.