Iovani 15:16 - Rapa Nui

¹⁶ »Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 15:16 ပူးပေါင်းရင်းမြစ်များ

Iovani 15:19

ꞌĀhani kōrua o te nuꞌu era ꞌā, ko te haŋa iŋa atu ꞌana, pa he haŋa iŋa ki te rāua nuꞌu. ꞌĀꞌaku kōrua i haꞌataꞌa mai mai roto i a rāua, ꞌo ira e maꞌu ena i te riri mo kōrua, ꞌo te taꞌe ai haka ꞌou kōrua o rāua.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ruka 6:13

I ꞌōtea era he haka taka-taka i tāꞌana nuꞌu hāpī. He toꞌo mai roto e hoꞌe ꞌahuru mā piti ꞌe he nape he ꞌāpōtoro.

Karatia 1:15

ꞌE, ka ai atu i tute rō a au mo tōtōā i te nuꞌu haka moe i te manaꞌu ꞌi ruŋa i a Ietū, te ꞌAtua, kai poreko hia ꞌana a au, i haꞌataꞌa rō ai i a au māꞌana ꞌe, hai riva rahi ōꞌona, i haka ꞌite mai ai ko ai a Ietū, mo haka moe ōꞌoku i te manaꞌu ꞌi ruŋa i a ia. Te haŋa ōꞌona: mo haka ꞌite mo oho ōꞌoku i te roŋo riva-riva o ruŋa i a Ietū ki te nuꞌu taꞌe he hūrio. Hora topa mai era o te meꞌe nei, ꞌina a au kai oho kai kimi e tahi kope mo haka ꞌite mai o ruŋa i te roŋo o te ꞌAtua,

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.

Aŋa o te ꞌĀpōtoro 22:14

»He kī haka ꞌou mai: “Te ꞌAtua o te tātou tupuna ko haꞌataꞌa ꞌā i a koe mo ꞌite ōꞌou i tāꞌana meꞌe haŋa, mo takeꞌa ōꞌou i a Ietū, kope tano ki tōꞌona mata, mo ŋaroꞌa i tōꞌona reꞌo,

2 Timoteo 2:2

E kimi koe hai ŋāŋata haka tano i te rāua meꞌe kī, ŋāŋata ꞌite takoꞌa mo hāpī i te rua. Ki a rāua koe ana haka ꞌite mo hāpī e rāua ki te tētahi i te hāpī parautiꞌa o ruŋa i a Ietū Kiritō haka ꞌite atu era e au ꞌi te hora hāpī ōꞌoku i te nuꞌu.

Iovani 13:18

»Te meꞌe kī atu ena e au taꞌe mo kōrua taꞌatoꞌa. Ko ꞌite riva-riva ꞌana e au ko ai ko ai tāꞌaku meꞌe i toꞌo mo taŋata hāpī ꞌāꞌaku. I aŋa ai pē ira mo tano ki te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “Te kope kai ararua māua, ko hārui mai ꞌā i a au hai tuaꞌivi”.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

1 Pētero 3:15

Te meꞌe o kōrua mo aŋa: he haꞌamuri ki a Ietū Kiritō ꞌi roto i te māhatu pa he Pūꞌoko Haka Tere o kōrua i a ia te kī iŋa hopeꞌa o te meꞌe mo topa atu ki a kōrua. ꞌE ꞌi te hora taꞌatoꞌa e ꞌite pē hē kōrua ka pāhono ena ki te nuꞌu ꞌui atu he aha kōrua e haka moe ena i te manaꞌu ꞌi ruŋa i a Ietū.

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

Aŋa o te ꞌĀpōtoro 1:24

He pure ia ananake: «E te ꞌAtua ē, ko koe i ꞌite i te huru o te māhatu o te taŋata taꞌatoꞌa. Ka haka ꞌite mai koe ko ai o roto o te ŋāŋata nei e rua i haŋa e koe

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Māteo 21:22

ꞌE te meꞌe taꞌatoꞌa o kōrua mo no-noꞌi ꞌi roto i te pure e haka moe rō ꞌana i te manaꞌu ꞌi ruŋa i te ꞌAtua, he ravaꞌa e kōrua.

2 Timoteo 1:11

Te ꞌAtua ko kī mai ꞌana mo haka ꞌite ōꞌoku i te roŋo nei, ꞌe ko uŋa ꞌana i a au pa he ꞌāpōtoro ꞌe pa he maꞌori.

1 Kōrinto 10:11

Te meꞌe taꞌatoꞌa topa era ki te tupuna e toꞌo pa he hāpī mo tātou. ꞌE te ŋā meꞌe nei ko pāpaꞌi ꞌana ꞌi ruŋa i te Pāpaꞌi Moꞌa mo ꞌite o te nuꞌu noho o te hora nei hāhine ki te paꞌo iŋa o te ao: te ꞌAtua e haka ūtuꞌa rō i te nuꞌu aŋa i te meꞌe tuꞌu pē nei.

Rōmano 9:21

Te kope aŋa meꞌe hai ꞌōꞌone i a ia te parau mo aŋa i tāꞌana meꞌe nō era ꞌāꞌana i haŋa, ꞌe mai te ꞌapa ꞌōꞌone mau nō e tahi e tano nō mo aŋa e tahi pani riva-riva mo te mahana ŋoŋoro ꞌe i te pani haka ꞌou e tahi mo te tētahi mahana.

Tanatiako 3:18

Te nuꞌu aŋa mo ai o te haumārū ꞌi ruŋa i te henua te meꞌe ꞌoka he haumārū. ꞌE ꞌi te hora hopeꞌa te meꞌe ravaꞌa he meꞌe tano ki te mata o te ꞌAtua.

ꞌEvereo 11:4

He haka moe o ⌊ꞌĀvere⌋ i te manaꞌu ꞌi ruŋa i te ꞌAtua i aŋa ai i te tūtia ꞌata hau rō atu ki te tūtia aŋa e tōꞌona taina ko ⌊Kāiŋa⌋. ꞌO ira te ꞌAtua i kī ai e tano rō ꞌā ki tōꞌona mata, ꞌe he koa mo tāꞌana tūtia. ꞌE hora nei, ka ai atu ko mate ꞌana a ꞌĀvere, ko te noho iŋa ꞌā te haꞌaauraꞌa ōꞌona: he hauhaꞌa o tōꞌona haka moe iŋa era i te manaꞌu ꞌi ruŋa i te ꞌAtua.

Tito 1:5

E haŋu, i haka rē ai a au i a koe ꞌi te motu ena ko Kereta mo haka tī-tika ōꞌou i te meꞌe toe mo aŋa o nā, ꞌe mo uꞌi takoꞌa ōꞌou hai ŋāŋata mo pūꞌoko haka tere o te ŋā nūnaꞌa ena e haka moe ena i te manaꞌu ꞌi ruŋa i a Ietū o te kona taꞌatoꞌa o Kereta, pa he meꞌe kī atu era e au.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Aŋa o te ꞌĀpōtoro 10:41

Kai haka takeꞌa ki te taŋata taꞌatoꞌa, ki a mātou nō ki te nuꞌu ko haꞌataꞌa era ꞌā e te ꞌAtua mo mataꞌite i haka takeꞌa mai ai. I kai rō ꞌe i unu rō mātou ꞌi te hora era ko ora mai ꞌā mai te mate.

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Rōmano 1:13

E te taina, e haŋa rō ꞌana a au mo ꞌite o kōrua e rahi rō ꞌā te mahana pohe ōꞌoku mo oho atu mo uꞌi i a kōrua, ꞌe ꞌātā ki te hora nei, ꞌī e piri nō mai ꞌā te meꞌe mo taꞌe tuꞌu atu ōꞌoku. Te meꞌe haŋa ꞌāꞌaku he takeꞌa mai ꞌi roto i a kōrua meꞌe rahi nuꞌu e pūai rō ꞌā te manaꞌu ꞌi ruŋa i te hāpī parautiꞌa o te ꞌAtua, ꞌe, takoꞌa, he ꞌata rahi o te nuꞌu haka ꞌou haka moe i te manaꞌu ꞌi ruŋa i a Ietū, pa he meꞌe topa ꞌi te tētahi atu kona o te nuꞌu taꞌe hūrio tuꞌu hāpī e au.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Māteo 7:7

»E no-noꞌi ki te ꞌAtua, he vaꞌai atu; e kimi, he haka takeꞌa atu; e pātōtō te ꞌōpani, he mātaki atu.

Iovani 15:5

»Ko au te tumu vino, ko kōrua te maŋa. Mo raꞌu nō mai o kōrua ꞌi ruŋa i a au ꞌe a au ki a kōrua, he ꞌata rahi te hua iŋa; ꞌe mo kore ōꞌoku, e ko ravaꞌa e kōrua mo aŋa i te meꞌe tano ki te mata o te ꞌAtua.