Iovani 15:10 - Rapa Nui

¹⁰ Mo haꞌatura o kōrua ki tāꞌaku roŋo, e ko kore tōꞌoku haŋa mo kōrua, pa he taꞌe kore iŋa ena ꞌā o te haŋa o tōꞌoku Matuꞌa ki a au ꞌo te haꞌatura ōꞌoku ki tāꞌana roŋo.

Iovani 15:10 ပူးပေါင်းရင်းမြစ်များ

Iovani 14:15

»Mo haŋa mai o kōrua, he haꞌatura kōrua ki tāꞌaku roŋo.

1 Iovani 5:3

Te haŋa ki te ꞌAtua ko te meꞌe nei: he haꞌatura ki tāꞌana roŋo, ꞌe tāꞌana roŋo meꞌe taꞌe paŋahaꞌa.

1 Iovani 2:5

ꞌE te kope haꞌatura ki tāꞌana vānaŋa, ko ia te kope haŋa parautiꞌa ki te ꞌAtua. E ꞌite nei: o te ꞌAtua mau ꞌā a tātou hai haꞌatura tātou ki a ia.

2 Pētero 2:21

I hau rō atu ꞌi te tano ꞌāhani i taꞌe ꞌite o ruŋa i te ara tī-tika o te ꞌAtua, ki te māhani ꞌe ꞌai ka hārui hai tuaꞌivi i te roŋo moꞌa o te ꞌAtua vaꞌai ki a rāua.

Iovani 8:29

Ararua māua ko te kope uŋa mai i a au; ꞌina a ia he haka rē i a au hoko tahi nō ꞌo te ai te meꞌe aŋa mau nō ꞌāꞌaku he meꞌe haŋa ꞌāꞌana.

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

Iovani 17:4

»Ko haka takeꞌa ꞌana a au i tuꞌu pūai ꞌi te ao nei hai aŋa ꞌe hai haka tano tahi i taꞌa meꞌe kī mai.

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.

Iovani 14:21

»Te kope haka roŋo ꞌe haꞌatura ki tāꞌaku roŋo, ko ia te kope haŋa parautiꞌa mai. Tōꞌoku Matuꞌa he haŋa ki a ia ꞌe he haŋa takoꞌa e au, ꞌe ki a ia a au ka haka takeꞌa ena pē hē tōꞌoku huru.

1 Kōrinto 7:19

Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

Iovani 10:18

Taꞌe hai pūai taŋata a au ka mate ena; māꞌaku mau ꞌā e vaꞌai i a au mo mate. I a au mau ꞌana, paꞌi, te parau mo vaꞌai i a au mo mate ꞌe mo ora haka ꞌou. Ko te meꞌe nei tāꞌaku meꞌe mo aŋa i kī mai ai e tōꞌoku Matuꞌa».

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

1 Iovani 2:3

A tātou e ꞌite nei e māhani rō ꞌana ki te ꞌAtua hai haꞌatura o tātou ki te roŋo o te ꞌAtua.

1 Iovani 2:6

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.