Iovani 14:3 - Rapa Nui

³ Ki oho au ki haka riva-riva, he hoki mai a au he toꞌo i a kōrua mo noho tahi o tātou ꞌi te kona era ꞌi ira a au.

Iovani 14:3 ပူးပေါင်းရင်းမြစ်များ

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 14:28

Ko ŋaroꞌa ꞌana e kōrua i tōꞌoku kī iŋa atu he oho a au ꞌe he hoki haka ꞌou mai ki a kōrua. ꞌĀhani e haŋa parautiꞌa rō mai ꞌana a kōrua, ko koa takoꞌa ꞌana ꞌo te ꞌite he oho a au ki te Matuꞌa; a ia, paꞌi, ꞌata hau rō atu ki a au.

Iovani 14:4

A kōrua e ꞌite rō ꞌana ko ara hē te ara mo tuꞌu ki te kona ki ira a au ka iri nei».

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

Fīripo 1:23

E tātake rō ꞌana, paꞌi, tōꞌoku manaꞌu o ruŋa i te ŋā meꞌe nei ararua. E haŋa rō ꞌana, paꞌi, a au mo mate mo iri ōꞌoku ki muri i a Ietū, he meꞌe ꞌata riva-riva mōꞌoku.

2 Tētārōnika 1:12

E pure nei mātou pē ira mo kōrua ki haꞌahana-hana ai te taŋata i te tātou Pūꞌoko Haka Tere ko Ietū Kiritō hai kōrua, ꞌi te takeꞌa i te kōrua noho iŋa tano ꞌe i te kōrua meꞌe riva-riva aŋa, ꞌe ki koa ai a Ietū mo kōrua. Te meꞌe taꞌatoꞌa nei ka topa ena hai riva rahi mau nō o te tātou ꞌAtua ꞌe o te tātou Pūꞌoko Haka Tere ko Ietū Kiritō.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

ꞌEvereo 9:28

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.