Iovani 14:2 - Rapa Nui

² ꞌI te hare o tōꞌoku Matuꞌa e rahi rō ꞌana te kona mo noho. ꞌĀhani taꞌe pē ira, e ko kī tahaŋa atu a au e haka riva-riva rō a au i te kona mo kōrua.

Iovani 14:2 ပူးပေါင်းရင်းမြစ်များ

Ruka 14:22

»I hini era he kī haka ꞌou e rā tāvini: “Ko aŋa ꞌana a au i taꞌa meꞌe kī mai, ꞌe e topa nō ꞌā te pepe”.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 13:36

He ꞌui e Pētero ki a Ietū: —E Ietū, ¿ki hē koe ka oho ena? He pāhono e Ietū: —Te kona nei ōꞌoku ka oho nei, e ko tano mo oho atu ōꞌou ꞌi te hora nei; ki tano tuꞌu hora he oho atu koe.

Iovani 14:28

Ko ŋaroꞌa ꞌana e kōrua i tōꞌoku kī iŋa atu he oho a au ꞌe he hoki haka ꞌou mai ki a kōrua. ꞌĀhani e haŋa parautiꞌa rō mai ꞌana a kōrua, ko koa takoꞌa ꞌana ꞌo te ꞌite he oho a au ki te Matuꞌa; a ia, paꞌi, ꞌata hau rō atu ki a au.

Iovani 16:4

E haka ꞌite atu ena au i te meꞌe nei mo haka topa o te kōrua manaꞌu, hora ena ka topa atu ena rā meꞌe, ko kī atu era ꞌana e au. »Kai kī atu a au i te meꞌe nei ꞌi tū hora raꞌe era ꞌo te ai ꞌi muri i a kōrua ꞌana a au.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Aŋa o te ꞌĀpōtoro 9:16

E haka takeꞌa rō e au i te rahi o te ꞌati ka topa ena ꞌi ruŋa i a ia ꞌo te haka ꞌite ꞌo te oho o ruŋa i a au.

2 Kōrinto 5:1

Te hakari pa he hare ꞌā, ꞌe e ꞌite rō ꞌā e tātou, hora era mo marere, te auraꞌa, hora era mo mate, e ai rō ꞌā te hare ꞌāpī e tahi ꞌi te raŋi aŋa e te ꞌAtua mo tātou, he hakari e ko mate ki te hora hopeꞌa.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

ꞌEvereo 11:10

A ꞌAparahama i aŋa ai i te meꞌe nei e tiaki e oho ꞌana ki te kona mau era mo noho ꞌina he hopeꞌa raꞌa, he kona manaꞌu ꞌe aŋa e te ꞌAtua.

ꞌEvereo 13:14

Te ao nei, paꞌi, taꞌe he kāiŋa mau o tātou; e tiaki nō ꞌana a tātou ki te kāiŋa ꞌi te raŋi pe muꞌa ka oho ena.

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

ꞌEvereo 9:8

Hai ŋā piha nei e rua e haŋa ena te ⌊Vārua Maitai⌋ mo haka ꞌite mai pē nei ē: te ara ki te ꞌAtua e ko ha-hata ki te taŋata mo ai ko te maꞌu iŋa ꞌana i te haka tere iŋa raꞌe era.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 21:2

He takeꞌa e au ka topa te kona moꞌa, he Hērutarema ꞌāpī, mai te raŋi mai te ꞌAtua era. Ko haka riva-riva ꞌā pa he viꞌe haꞌamoꞌa-moꞌa e uru rō ꞌā i te kahu nehe-nehe mo tāꞌana kope era mo hāipo-ipo.

Meꞌe Haka Takeꞌa 3:12

’Te nuꞌu rē ki te pūai o Rukifero, he haka riro e au pa he pou hio-hio ꞌi te kona haꞌamuri ꞌAtua ꞌi te raŋi, te auraꞌa: he noho mau rō ꞌai a rāua ꞌi muri i a ia. ꞌE ꞌi ruŋa ka pāpaꞌi ena e au i te ꞌīŋoa o tōꞌoku ꞌAtua ꞌe o tōꞌona kona noho, he Hērutarema ꞌāpī topa mai te raŋi, ꞌe he pāpaꞌi takoꞌa e au ꞌi ruŋa i te ꞌīŋoa ꞌāpī ōꞌoku.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.