Iovani 14:12 - Rapa Nui

¹² ꞌE ꞌī a au he kī atu: te kope haka moe i tōꞌona manaꞌu ꞌi ruŋa i a au, e aŋa takoꞌa rō i te meꞌe aŋa e au, ꞌe he aŋa takoꞌa i te meꞌe ꞌata hau rō atu hai oho ōꞌoku ki te kona era ꞌi ira te Matuꞌa.

Iovani 14:12 ပူးပေါင်းရင်းမြစ်များ

Māteo 21:21

He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.

Marko 11:13

Mai kōnui i takeꞌa ai i te tumu pika e ai rō ꞌā te raupā. He haka hāhine he uꞌi ana ai te pika o ruŋa, ꞌe ꞌina e tahi meꞌe i ravaꞌa. He raupā mau nō te meꞌe o ruŋa; taꞌe, paꞌi, he ꞌāvaꞌe o te pika.

Marko 16:17

Te nuꞌu haka moe i te manaꞌu ꞌi ruŋa i a au e aŋa rō i te meꞌe ka takeꞌa era e te taŋata he aŋi-aŋi: i rā nuꞌu te mana o te ꞌAtua. Te nuꞌu nei e haka eꞌa rō i te tātane mai roto i te taŋata hai ꞌīŋoa ōꞌoku, ꞌe e vānaŋa rō i te ꞌarero kē taꞌe i hāpī e rāua.

Iovani 14:28

Ko ŋaroꞌa ꞌana e kōrua i tōꞌoku kī iŋa atu he oho a au ꞌe he hoki haka ꞌou mai ki a kōrua. ꞌĀhani e haŋa parautiꞌa rō mai ꞌana a kōrua, ko koa takoꞌa ꞌana ꞌo te ꞌite he oho a au ki te Matuꞌa; a ia, paꞌi, ꞌata hau rō atu ki a au.

Iovani 16:7

Te parautiꞌa, i hau ꞌi te riva mo kōrua mo oho ōꞌoku. Mo taꞌe oho ōꞌoku, e ko tuꞌu mai tū kope hāꞌūꞌū era, he Vārua Maitai, mo noho ꞌi roto i a kōrua; ꞌe mo oho ōꞌoku, he uŋa mai e au.

Iovani 4:37

»Pa he meꞌe kī: “O te tētahi te ꞌoka, ꞌe o te tētahi atu te kato”.

Iovani 5:20

Te Matuꞌa e haŋa rahi rō ꞌana ki tāꞌana Poki ꞌe e haka takeꞌa tahi rō ꞌana i tāꞌana meꞌe aŋa. Pe muꞌa ka oho ena, he haka takeꞌa ki a ia i te meꞌe ꞌata nui-nui ꞌe, ka aŋa ena, he māere kōrua.

Iovani 7:33

ꞌE a Ietū ko te vānaŋa iŋa ꞌā ki te nuꞌu e kī era: «E ko roa a au ka noho atu ena ꞌi muri i a kōrua. Ki oti he hoki a au ki muri i te kope uŋa mai i a au.

Iovani 7:39

Hai meꞌe nei i haka ꞌite ai e Ietū e tuꞌu e noho rō te Vārua Maitai ꞌi roto i te nuꞌu haka moe i te manaꞌu ꞌi ruŋa i a ia; te meꞌe nō, ꞌi rā hora kai uŋa hia ꞌana e te ꞌAtua i te Vārua Maitai ꞌi te meꞌe era kai hoki ꞌana a Ietū ki te raŋi.

Aŋa o te ꞌĀpōtoro 10:46

He ŋaroꞌa e vānaŋa ꞌana hai ꞌarero huru kē huru kē ꞌe e haꞌahana-hana ꞌana ki te ꞌAtua.

Aŋa o te ꞌĀpōtoro 16:18

Meꞌe rahi mahana e ohu-ohu era ꞌātā ka ꞌeꞌete rō te manava o Pauro. He teka ia he kī ki te tātane o roto o tū poki era: «¡Hai ꞌīŋoa o Ietū Kiritō he kī atu au: ka eꞌa koe mai roto i te poki ena!». ꞌI tū hora mau era ꞌā he eꞌa tū tātane era mai roto.

Aŋa o te ꞌĀpōtoro 19:12

E ora rō ꞌā, paꞌi, te māui-ui ꞌe e eꞌa rō ꞌā te tātane mai roto i te nuꞌu hai maꞌu nō ki a rāua e te tētahi i te haroꞌi ꞌe i te kahu puā e te hakari o Pauro.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

Aŋa o te ꞌĀpōtoro 2:41

Te nuꞌu i haka roŋo hai māhatu ki tū ŋā meꞌe kī era e Pētero ꞌe i haka moe i te manaꞌu ꞌi ruŋa, he haka papatito i a rāua. Pē ira, ꞌi rā mahana mau ꞌā, i ꞌata rahi ai te nūnaꞌa taŋata haka moe i te manaꞌu ꞌi ruŋa i a Ietū e toru taꞌutini haka ꞌou taŋata.

Aŋa o te ꞌĀpōtoro 4:16

He kī ki a rāua ꞌā: «¿He aha te tātou meꞌe mo aŋa ki te ŋāŋata era? Ko ꞌite tahi ꞌana te taŋata taꞌatoꞌa o Hērutarema o ruŋa o te mana aŋa e rāua, ꞌe ꞌina a tātou e ko tano mo kī taꞌe he parautiꞌa.

Aŋa o te ꞌĀpōtoro 4:33

Hai haŋu ꞌe hai pūai e ꞌata vānaŋa e oho era te ⌊ꞌāpōtoro⌋ o ruŋa i te ora o Ietū mai te mate, ꞌe ꞌi ruŋa i a rāua taꞌatoꞌa te mata o te ꞌAtua.

Aŋa o te ꞌĀpōtoro 4:4

O te nuꞌu haka roŋo i te rāua vānaŋa nuꞌu rahi i ⌊haka moe i te manaꞌu⌋ ꞌi ruŋa i a Ietū. Pē ira i ꞌata rahi ai rā nuꞌu; mo tataku i te ŋāŋata nō he hāhine ki te pae taꞌutini.

Aŋa o te ꞌĀpōtoro 5:15

Te aŋa o te taŋata he maꞌu i te māui-ui ki te ara e haka moe rō ꞌana ꞌi ruŋa i te roꞌi ꞌe ꞌi ruŋa i te raŋaria, koiꞌite ka vari era a Pētero he ora te māui-ui hai kohu ōꞌona.

Aŋa o te ꞌĀpōtoro 6:7

Te ⌊roŋo riva-riva o te ꞌAtua⌋ pe te ꞌata rahi nō e oho era, ꞌe te nuꞌu haka moe i te manaꞌu ꞌi ruŋa i a Ietū ko ꞌata rahi ꞌā ꞌi Hērutarema. ꞌE meꞌe rahi ⌊oromatuꞌa⌋ hūrio i haka moe takoꞌa i te rāua manaꞌu ꞌi ruŋa i a Ietū.

Aŋa o te ꞌĀpōtoro 8:7

Meꞌe rahi taŋata uru e te tātane i haka ora e Feripe, i kiki-kikiu i eꞌa ai rā ŋā tātane. ꞌE, takoꞌa, meꞌe rahi nuꞌu hakari taꞌe makenu ꞌe vaꞌe koke i haka ora e ia.

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.

Aŋa o te ꞌĀpōtoro 9:40

He haka eꞌa tahi e Pētero ki haho, ꞌe he tū-turi he pure. He uꞌi a ruŋa i tū viꞌe mate era he kī: «¡E Tavitā, ka eꞌa koe ki ruŋa!». He ꞌara te mata o tū viꞌe era. I takeꞌa era i a Pētero, he eꞌa ki ruŋa he noho.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.