Iovani 14:10 - Rapa Nui

¹⁰ ¿Kai aŋi-aŋi ꞌana ꞌō e koe a māua ko te ꞌAtua Matuꞌa e tahi mau nō? Te meꞌe nei e au e kī atu ena taꞌe he meꞌe i manaꞌu e au. O te Matuꞌa nei ꞌi roto i a au te aŋa i tāꞌana meꞌe manaꞌu mo aŋa.

Iovani 14:10 ပူးပေါင်းရင်းမြစ်များ

Iovani 10:30

ꞌE, a māua ko te Matuꞌa e tahi mau nō.

Iovani 10:38

ꞌE, mo aŋa ōꞌoku i te meꞌe aŋa e tōꞌoku Matuꞌa, ka ai atu ꞌina kōrua he haka moe i te manaꞌu ꞌi ruŋa i a au, ka haka moe ia kōrua i te manaꞌu ꞌi ruŋa i tāꞌaku meꞌe aŋa ki ꞌite ai a kōrua: te ꞌAtua Matuꞌa ꞌe a au e tahi mau nō.

Iovani 11:26

ꞌE te taŋata ora haka moe i te manaꞌu ꞌi ruŋa i a au, ki te hora hopeꞌa e ko haka tapa mai muri i te ꞌAtua. ¿E haka moe rō ꞌana koe i tuꞌu manaꞌu ꞌi ruŋa i te meꞌe nei?

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 14:11

»E ꞌite kōrua: a māua ko te ꞌAtua Matuꞌa e tahi mau nō. Mo taꞌe ai he parautiꞌa mo kōrua te meꞌe nei, ka haka topa nō te kōrua manaꞌu ꞌi ruŋa i tāꞌaku mana aŋa oho mai ena.

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 14:24

Te kope taꞌe haŋa mai ki a au ꞌina he haka roŋo ꞌe he haꞌatura ki tāꞌaku vānaŋa. Te vānaŋa kī atu e au taꞌe ꞌāꞌaku, o te Matuꞌa uŋa mai i a au.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 5:17

Ka ai atu pē ira, he kī e Ietū ki tū nuꞌu hūrio ra-rahi era: «Tōꞌoku Matuꞌa e aŋa e oho nō ꞌā, ꞌe pē ira takoꞌa ꞌana a au».

Iovani 5:19

He kī ia e Ietū: «ꞌĪ a au he kī atu: Te Poki o te ꞌAtua e ko aŋa e tahi meꞌe hai manaꞌu ōꞌona hoko tahi nō; te meꞌe aŋa ꞌāꞌana he meꞌe takeꞌa mai tōꞌona Matuꞌa. Te meꞌe taꞌatoꞌa aŋa e te Matuꞌa he aŋa takoꞌa e te Poki.

Iovani 7:16

He kī e Ietū: —Te meꞌe nei e au e hāpī nei taꞌe ꞌāꞌaku, o te kope uŋa mai i a au.

Iovani 8:28

ꞌO ira i kī ai e Ietū: —Hora ena o kōrua ka veo ena i te ⌊Poki o te taŋata⌋ ꞌi ruŋa i te tātaurō, ka ꞌite iho ena e kōrua: a au ko tū kope kī mau atu era ꞌā e au, tāꞌaku meꞌe aŋa taꞌe hai manaꞌu ōꞌoku, ꞌe tāꞌaku meꞌe kī mau nō he meꞌe hāpī mai e tōꞌoku Matuꞌa.

Iovani 8:38

A au e vānaŋa nei hai meꞌe i haka ꞌite ꞌe i haka takeꞌa mai e tōꞌoku Matuꞌa. A kōrua takoꞌa e aŋa ena i te meꞌe i takeꞌa ꞌe i ŋaroꞌa mai te kōrua matuꞌa.

Iovani 8:40

Ka ai atu ko kī atu ꞌana a au i te parautiꞌa hāpī mai e te ꞌAtua, e haŋa nō ꞌana a kōrua mo tiŋaꞌi i a au. ¡A ꞌAparahama kai aŋa i te meꞌe pē nā!

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

2 Kōrinto 5:19

Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

Kōrosa 2:9

Te huru ꞌe te pūai taꞌatoꞌa, paꞌi, o te ꞌAtua i a Ietū Kiritō, ka ai atu tōꞌona hakari hakari taŋata.

1 Iovani 5:7

Hoko toru mataꞌite o te meꞌe nei: