Iovani 14:1 - Rapa Nui

¹ «ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 14:1 ပူးပေါင်းရင်းမြစ်များ

Iovani 11:33

I takeꞌa era e Ietū i te rahi o te taŋi o Māria ananake ko te nuꞌu hūrio o muri, he oꞌo te māui-ui ki roto i te māhatu ꞌe he haka ꞌaroha rō atu ꞌai.

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

Iovani 12:44

He kī pūai e Ietū: «Te kope haka moe mai i tōꞌona manaꞌu e haka moe takoꞌa ꞌana i te manaꞌu ꞌi ruŋa i te Kope uŋa mai i a au.

Iovani 13:19

»E kī atu ena a au i te meꞌe nei mo aŋi-aŋi riva-riva e kōrua, ꞌi te hora ena ka topa ena rā meꞌe, pē nei ē: a au he kope mau nei ꞌā e au e kī atu ena.

Iovani 16:24

Ki te hora nei, kai no-noꞌi ꞌana kōrua e tahi meꞌe hai ꞌīŋoa ōꞌoku; ka no-noꞌi, he vaꞌai atu ki koa riva-riva ai kōrua.

Iovani 16:3

Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 16:6

Te meꞌe nō, ko mamae ꞌana te kōrua māhatu ꞌo te kī atu ōꞌoku i te meꞌe nei.

Iovani 5:23

ki haꞌamuri ai te taŋata taꞌatoꞌa ki te Poki pa he haꞌamuri iŋa ki te Matuꞌa. Te kope taꞌe moꞌa i te Poki ꞌina he moꞌa i te Matuꞌa uŋa mai i a ia.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Ēfeto 1:15

Mai te hora ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū ꞌe e haŋa rō ꞌana ki te nuꞌu haꞌataꞌa e te ꞌAtua māꞌana,

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.