Iovani 13:9 - Rapa Nui

⁹ He kī e Pētero: —¡Mo ai ia pē ira, taꞌe nō he vaꞌe taꞌa meꞌe mo haka hopu mai; ka haka hopu takoꞌa mai tōꞌoku rima ꞌe tōꞌoku pūꞌoko!

Iovani 13:9 ပူးပေါင်းရင်းမြစ်များ

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Iovani 13:10

He pāhono e Ietū: —Te taŋata hopu iho, ¿mo aha ꞌā ana hopu haka ꞌou? E maꞌitaki rō ꞌā, paꞌi. He vaꞌe nō te meꞌe mo hopu. ꞌE a kōrua e maꞌitaki rō ꞌana, ka ai atu e tahi o roto o kōrua taꞌe pē ira.

Iovani 13:8

He kī e Pētero: —¡E ko haꞌatiꞌa atu e au ki te hora hopeꞌa mo haka hopu mai ōꞌou i tōꞌoku vaꞌe! He pāhono e Ietū: —Mo taꞌe haka hopu atu ōꞌoku i tuꞌu vaꞌe, taꞌe ia a koe ꞌāꞌaku.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.