Iovani 13:8 - Rapa Nui

⁸ He kī e Pētero: —¡E ko haꞌatiꞌa atu e au ki te hora hopeꞌa mo haka hopu mai ōꞌou i tōꞌoku vaꞌe! He pāhono e Ietū: —Mo taꞌe haka hopu atu ōꞌoku i tuꞌu vaꞌe, taꞌe ia a koe ꞌāꞌaku.

Iovani 13:8 ပူးပေါင်းရင်းမြစ်များ

Māteo 16:22

He toꞌo e Pētero a te tapa he haꞌamata he ture: —¡ꞌIna e ko haꞌatiꞌa e te ꞌAtua, e Ietū ē! ¡Te meꞌe ena e ko topa atu ki a koe!

Māteo 21:29

»He pāhono e rā poki: “¡ꞌIna a au kai haŋa mo oho!”. »I hini era he manaꞌu haka ꞌou rā poki, he eꞌa he oho.

Māteo 26:33

He kī e Pētero: —Mo haka rehu i a koe e te nuꞌu taꞌatoꞌa ena, māꞌaku koe e taꞌe haka rehu.

Māteo 26:35

He kī haka ꞌou e Pētero: —¡Ka ai atu he mate a au ꞌi muri i a koe, e ko kī au ki te hora hopeꞌa kai ꞌite a au ko ai a koe! ꞌE ꞌai te tētahi nuꞌu hāpī ꞌa Ietū e kī takoꞌa era pē ira.

Iovani 13:6

I oho era mo haka hopu i te vaꞌe o Tīmona, kī takoꞌa ko Pētero, he kī: —E Ietū, ¿He haka hopu mai a koe i tōꞌoku vaꞌe?

Iovani 13:9

He kī e Pētero: —¡Mo ai ia pē ira, taꞌe nō he vaꞌe taꞌa meꞌe mo haka hopu mai; ka haka hopu takoꞌa mai tōꞌoku rima ꞌe tōꞌoku pūꞌoko!

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Aŋa o te ꞌĀpōtoro 22:16

ꞌIna koe ko tiaki haka ꞌou. Ka eꞌa ka haka ⌊papatito⌋ i a koe koia ko ani ki a Ietū mo haka kore i tuꞌu hara”.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

Kōrosa 2:23

Ki te manaꞌu taŋata, nei roŋo roŋo mārama-rama ꞌo te hāpī pē nei ē: mo koa o te ꞌAtua e aŋa meꞌe rahi meꞌe aŋarahi mo aŋa, mo haka takeꞌa i tuꞌu haŋa ki a ia, e ko manaꞌu, ki te hora hopeꞌa, i hau rō atu koe ki te rua, ꞌe e tōtōā koe i tuꞌu hakari. Ka ai atu pē ira, te ŋā meꞌe nei ꞌina he hāꞌūꞌū ki te taŋata mo haka noho i te meꞌe taꞌe tano pohe e te hakari.

Tito 3:5

ꞌE, ka ai atu ꞌina e tahi meꞌe riva-riva o tātou i aŋa, te ꞌAtua, ꞌi tōꞌona haka ꞌaroha, ko haka eꞌa ꞌā i a tātou mai roto i te ūtuꞌa o te hara hai haka maꞌitaki i te tātou māhatu ꞌe hai vaꞌai mai i te ora ꞌe ꞌi te noho iŋa ꞌāpī hai ⌊Vārua Maitai⌋.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 7:14

—E koro, ko koe i ꞌite —i pāhono ai e au. He kī mai ia: —Te nuꞌu era he nuꞌu eꞌa mai roto i te ꞌati taparahi-taꞌata o te paꞌo iŋa o te ao, ko te nuꞌu haka maꞌitaki era ꞌe haka rito-rito era i te rāua kahu hai toto o te Māmoe.