Iovani 13:36 - Rapa Nui

³⁶ He ꞌui e Pētero ki a Ietū: —E Ietū, ¿ki hē koe ka oho ena? He pāhono e Ietū: —Te kona nei ōꞌoku ka oho nei, e ko tano mo oho atu ōꞌou ꞌi te hora nei; ki tano tuꞌu hora he oho atu koe.

Iovani 13:36 ပူးပေါင်းရင်းမြစ်များ

2 Pētero 1:14

Te tātou Pūꞌoko Haka Tere, paꞌi, ko Ietū Kiritō ko haka ꞌite mai ꞌana: e ko roa he haka rē a au i te ao nei.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 16:17

Tētahi o te nuꞌu hāpī ꞌa Ietū he ꞌui ki a rāua ꞌā: «¿He aha te auraꞌa o te meꞌe kī mai era pē nei ē: ꞌina he hora toe he ŋaro a ia, ꞌe pe muꞌa ꞌiti he takeꞌa haka ꞌou? ꞌE, takoꞌa, ¿he aha te auraꞌa o te meꞌe kī mai ena he oho a ia ki te Matuꞌa?

Iovani 14:2

ꞌI te hare o tōꞌoku Matuꞌa e rahi rō ꞌana te kona mo noho. ꞌĀhani taꞌe pē ira, e ko kī tahaŋa atu a au e haka riva-riva rō a au i te kona mo kōrua.

Iovani 16:5

Hora nei he hoki a au ki te kope ꞌāꞌana a au i uŋa mai, ꞌe ꞌina ꞌā e tahi o kōrua i ꞌui mai ki hē au ka oho nei.