Iovani 13:34 - Rapa Nui

³⁴ »He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 13:34 ပူးပေါင်းရင်းမြစ်များ

Māteo 5:44

ꞌE, ꞌī a au he kī atu: e haŋa kōrua ki te nuꞌu maꞌu i te riri mo kōrua, ꞌe e pure mo te nuꞌu tute i a kōrua mo tōtōā.

Iovani 15:17

Tāꞌaku meꞌe nei e kī atu ena: e haŋa kōrua ki te rua.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Rōmano 12:10

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

Rōmano 13:10

Te kope haŋa ki te rua e ko aŋa i te meꞌe taꞌe tano ki rā kope. Te meꞌe taꞌatoꞌa kī, paꞌi, o ruŋa i te roŋo o te ꞌAtua e tano tahi ena hai haŋa ki te rua.

Rōmano 13:8

E hāpaꞌo ꞌo ai tuꞌu tārahu. Te tārahu mau nō mo ai ōꞌou he haŋa ki te rua; te kope haŋa ki te rua e haka tano ꞌana i te meꞌe taꞌatoꞌa kī ꞌi ruŋa i te ⌊haka tere iŋa ꞌa Mōtē⌋.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Karatia 6:2

E hāꞌūꞌū takoꞌa kōrua i te rua mo ꞌamo i tōꞌona ꞌati; pē ira he haka tano kōrua i te meꞌe kī mai e te ⌊Kiritō⌋ mo aŋa.

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

1 Tētārōnika 3:12

E ani takoꞌa nei ki te tātou Pūꞌoko Haka Tere mo ꞌata haka pūai ꞌe mo ꞌata haka rahi i te haŋa ꞌi roto i a kōrua ꞌe i te haŋa mo te taꞌatoꞌa, pa he haŋa iŋa nei ꞌā o mātou ki a kōrua,

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

ꞌEvereo 13:1

A kōrua he taina ⌊haka moe i te manaꞌu⌋ ꞌi ruŋa i a Ietū. ꞌO ira, e haŋa e oho nō kōrua ꞌi roto i a kōrua ꞌā.

Tanatiako 2:8

Mo haka tano tahi o kōrua ki te roŋo hopeꞌa o te nui-nui hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «E haŋa koe ki te rua taŋata pa he haŋa iŋa ena ꞌā ōꞌou ki a koe», e aŋa ꞌana kōrua i te meꞌe riva-riva.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

2 Pētero 1:7

ꞌe ki te moꞌa ꞌe haꞌatura ki te ꞌAtua, te haŋa ki te taina haka moe i te manaꞌu ꞌi ruŋa i a Ietū, ꞌe ki te haŋa ki te taina, te haŋa mo te taŋata taꞌatoꞌa.

1 Iovani 3:11

He roŋo nei te roŋo ŋaroꞌa e kōrua mai te hora haka moe era i te kōrua manaꞌu ꞌi ruŋa i a Ietū: e here tātou ki a tātou ꞌā.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.

1 Iovani 4:21

He roŋo haka rē mai era nei e Ietū Kiritō: te kope haŋa ki te ꞌAtua e haŋa takoꞌa ki tōꞌona taina.

2 Iovani 1:5

ꞌE hora nei, ꞌī a au he ani atu ki a kōrua: e haŋa tātou ki te rua. Te roŋo nei he haŋa ki te rua taꞌe o te hora nei, he meꞌe ko haka ꞌite mai era ꞌā mai te hora haka moe i te manaꞌu ꞌi ruŋa i a Ietū.