Iovani 13:31 - Rapa Nui

³¹ I eꞌa era a Hura he kī a Ietū: —E ko roa he takeꞌa te pūai ꞌe te nui-nui o te ⌊Poki o te taŋata⌋, ꞌe hai ia ka takeꞌa takoꞌa ena te pūai ꞌe te nui-nui o te ꞌAtua.

Iovani 13:31 ပူးပေါင်းရင်းမြစ်များ

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Ruka 12:50

E piri rō mai te ꞌati nui-nui, ꞌe ¡ko te mamae e maꞌu nei ꞌātā ka haka tano tahi rō rā ꞌati!

Iovani 11:4

I ꞌite era e Ietū i tū parau ꞌāpī era he kī: «Te hopeꞌa o te māui-ui era taꞌe he mate; he meꞌe nō mo haka takeꞌa i te pūai o te ꞌAtua ꞌe, takoꞌa, i te pūai o te Poki o te ꞌAtua».

Iovani 12:23

He kī ia e Ietū: «Ko tano ꞌā te hora mo haka takeꞌa i te pūai ꞌe i te nui-nui o te ⌊Poki o te taŋata⌋.

Iovani 12:28

Te meꞌe mau ꞌāꞌaku mo kī: “E Koro, ka haka takeꞌa tuꞌu pūai ki te taŋata ki haꞌamuri atu ai ki a koe”». He ŋaroꞌa ia i te reꞌo e tahi mai te raŋi e kī ꞌana: «Ko haka takeꞌa era ꞌana e au, ꞌe ꞌī a au he haka takeꞌa haka ꞌou».

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 16:14

»He haka nui-nui i a au hai toꞌo i tōꞌoku manaꞌu ꞌe hai haka ꞌite atu ki a kōrua.

Iovani 7:39

Hai meꞌe nei i haka ꞌite ai e Ietū e tuꞌu e noho rō te Vārua Maitai ꞌi roto i te nuꞌu haka moe i te manaꞌu ꞌi ruŋa i a ia; te meꞌe nō, ꞌi rā hora kai uŋa hia ꞌana e te ꞌAtua i te Vārua Maitai ꞌi te meꞌe era kai hoki ꞌana a Ietū ki te raŋi.

Aŋa o te ꞌĀpōtoro 2:36

»E te taŋata o Itaraera, e ꞌite riva-riva kōrua: a Ietū, veo era e kōrua ꞌi ruŋa i te tātaurō, ko haka Pūꞌoko Haka Tere ꞌā e te ꞌAtua o te meꞌe taꞌatoꞌa ꞌe ko haka Kiritō ꞌā».

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

Ēfeto 1:12

I aŋa ai i te meꞌe nei mo haꞌahana-hana te taŋata ki te ꞌAtua ꞌi te nui-nui o tōꞌona pūai hai mātou hai ⌊hūrio⌋, nuꞌu haka moe raꞌe i te manaꞌu ꞌi ruŋa i a Ietū.

Ēfeto 2:7

Te meꞌe nei i aŋa ai e te ꞌAtua mo haka takeꞌa ki te nuꞌu taꞌatoꞌa, pe muꞌa ka oho ena, i te rahi o tōꞌona riva ꞌe o tōꞌona māhatu ꞌaroha mo tātou mo te nuꞌu ꞌa Ietū Kiritō.

Ēfeto 3:10

mo takeꞌa aŋe ai, ꞌi te hora nei, e te merahi ꞌe e te vārua taꞌatoꞌa taꞌe takeꞌa e tātou, hai nuꞌu haka moe i te manaꞌu ꞌi ruŋa i a Ietū, te mārama-rama o tāꞌana meꞌe i aŋa mo haka riva-riva i te taŋata ki a ia.

Fīripo 2:11

ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.