Iovani 13:27 - Rapa Nui

²⁷ ꞌI te hora toꞌo mau era ꞌā e Hura i te haraoa i oꞌo ai ki roto i tōꞌona māhatu a Rukifero. He kī ia e Ietū: «Taꞌa meꞌe manaꞌu ena mo aŋa, ka keꞌo-keꞌo ka aŋa rō ꞌai».

Iovani 13:27 ပူးပေါင်းရင်းမြစ်များ

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Marko 6:25

He hoki tū uka era ki muꞌa o te ꞌariki, he kī: —Tāꞌaku meꞌe haŋa he vaꞌai mai ōꞌou, ꞌi te hora mau ena ꞌā, i te pūꞌoko o Iovani ꞌi ruŋa i te mareti.

Ruka 22:3

He oꞌo a Rukifero ki roto i a Hura, he kope o roto o te hoꞌe ꞌahuru mā piti nuꞌu hāpī ꞌa Ietū, kī ko Ikariote.

Iovani 13:2

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 13:28

ꞌIna e tahi o rā nuꞌu kai era ananake ko kuā Ietū i aŋi-aŋi he aha e kī era i rā meꞌe ki a Hura.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.