Iovani 13:21 - Rapa Nui

²¹ I oti era i te kī i te meꞌe nei, he ŋaroꞌa e Ietū i te māui-ui ꞌi roto i tōꞌona māhatu, ꞌe he kī: «Nā e tahi o kōrua he vaꞌai i a au ki te nuꞌu».

Iovani 13:21 ပူးပေါင်းရင်းမြစ်များ

Māteo 26:21

E ka-kai nō ꞌana he kī: —ꞌĪ a au he kī atu: e tahi o roto o kōrua nā he vaꞌai i a au ki te nuꞌu.

Māteo 26:38

He kī: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho kōrua ꞌi nei; e uꞌi ꞌo hāꞌuru rō».

Marko 14:18

E ka-kai nō ꞌā he kī e Ietū: —ꞌĪ a au he kī atu: e tahi o roto o kōrua e kai mai ena ꞌi muri i a au, nā he vaꞌai i a au ki te nuꞌu.

Marko 3:5

I riri a Ietū i uꞌi ai ki tū nuꞌu era koia ko haka ꞌaroha ꞌi te hio-hio o te rāua māhatu. He kī ia ki tū taŋata rima rehe-rehe era: «Ka haka toro mai tuꞌu rima». I haka toro era he ora rō ꞌai tū rima era.

Iovani 11:33

I takeꞌa era e Ietū i te rahi o te taŋi o Māria ananake ko te nuꞌu hūrio o muri, he oꞌo te māui-ui ki roto i te māhatu ꞌe he haka ꞌaroha rō atu ꞌai.

Iovani 11:35

He pariŋi te matavai o Ietū.

Iovani 11:38

He haka hāhine ia a Ietū ki te kona era ꞌi ira te hakari o Rātaro koia ko haka ꞌaroha. Te kona nei he ꞌana e puru rō ꞌā hai māꞌea nui-nui e tahi.

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

Iovani 13:18

»Te meꞌe kī atu ena e au taꞌe mo kōrua taꞌatoꞌa. Ko ꞌite riva-riva ꞌana e au ko ai ko ai tāꞌaku meꞌe i toꞌo mo taŋata hāpī ꞌāꞌaku. I aŋa ai pē ira mo tano ki te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “Te kope kai ararua māua, ko hārui mai ꞌā i a au hai tuaꞌivi”.

Iovani 13:2

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 13:22

He haꞌamata ia te nuꞌu hāpī ꞌa Ietū he uꞌi-uꞌi ki a rāua ꞌā; ꞌina he aŋi-aŋi o ruŋa i a ai e vānaŋa era.

Aŋa o te ꞌĀpōtoro 17:16

E tiaki nō ꞌana a Pauro ki a Tira ꞌe ki a Timoteo, he uꞌi ko ꞌī ꞌā tū kona era ko ꞌĀtena e te ꞌītoro ꞌe he māui-ui rō atu ꞌai te māhatu.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.