Iovani 13:2 - Rapa Nui

^2-4 Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 13:2 ပူးပေါင်းရင်းမြစ်များ

Māteo 10:4

ko Tīmona, kope o roto i te nūnaꞌa taŋata he ⌊kananeo⌋, ꞌe ko Hura Ikariote, hoꞌo era i a Ietū.

Ruka 22:3

He oꞌo a Rukifero ki roto i a Hura, he kope o roto o te hoꞌe ꞌahuru mā piti nuꞌu hāpī ꞌa Ietū, kī ko Ikariote.

Ruka 22:31

He kī e Ietū: —E Tīmona, ka haka roŋo mai. Ko kī mai ꞌā a Rukifero mo haꞌatiꞌa ōꞌoku mo rū-rū i a kōrua pa he tariko.

Iovani 13:11

Te vānaŋa kī era e Ietū: «taꞌe taꞌatoꞌa o kōrua e maꞌitaki rō ꞌā», ꞌo te ꞌite ko ai te kope ka hoꞌo era i a ia.

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.

2 Kōrinto 8:16

Māuru-uru ki te ꞌAtua ꞌo te haka poreko ꞌi roto i te manaꞌu o Tito te haŋa mo hāꞌūꞌū atu ki a kōrua pē au.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Meꞌe Haka Takeꞌa 17:17

»Te meꞌe nei ka topa ena ꞌi te meꞌe era ko ha-haꞌo ꞌā e te ꞌAtua ꞌi roto i te rāua pūꞌoko i te manaꞌu mo aŋa i tāꞌana meꞌe haŋa. ꞌO ira rā ŋā ꞌariki ka haꞌaꞌau era mo vaꞌai i te rāua tōroꞌa ꞌariki ki rā manuꞌino, ki tano tahi ai te meꞌe kī e te ꞌAtua.