Iovani 13:18 - Rapa Nui

¹⁸ »Te meꞌe kī atu ena e au taꞌe mo kōrua taꞌatoꞌa. Ko ꞌite riva-riva ꞌana e au ko ai ko ai tāꞌaku meꞌe i toꞌo mo taŋata hāpī ꞌāꞌaku. I aŋa ai pē ira mo tano ki te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “Te kope kai ararua māua, ko hārui mai ꞌā i a au hai tuaꞌivi”.

Iovani 13:18 ပူးပေါင်းရင်းမြစ်များ

Māteo 10:36

Pē ira te nuꞌu taꞌe haŋa mai ka ꞌenemī ena mo te nuꞌu ⌊haka moe i te manaꞌu⌋ ꞌi ruŋa i a au, ka ai atu rā nuꞌu he huaꞌai mau ꞌā o rāua.

Māteo 26:21

E ka-kai nō ꞌana he kī: —ꞌĪ a au he kī atu: e tahi o roto o kōrua nā he vaꞌai i a au ki te nuꞌu.

Māteo 26:23

He pāhono e Ietū: —He kope o roto o kōrua haka ruku i tāꞌana haraoa ꞌi roto i te mareti haka ruku takoꞌa ꞌāꞌaku.

Marko 14:17

Ko ahi-ahi pō ꞌā i tuꞌu ai a Ietū ki rā hare ananake ko te hoꞌe ꞌahuru mā piti nuꞌu hāpī ꞌāꞌana.

Marko 14:18

E ka-kai nō ꞌā he kī e Ietū: —ꞌĪ a au he kī atu: e tahi o roto o kōrua e kai mai ena ꞌi muri i a au, nā he vaꞌai i a au ki te nuꞌu.

Marko 14:20

He pāhono e Ietū: —He kope e tahi o roto o kōrua haka ruku takoꞌa i tāꞌana haraoa ꞌi roto i te mareti haka ruku ꞌāꞌaku.

Ruka 22:21

»ꞌE, te kope māꞌana e vaꞌai i a au ki te nuꞌu taꞌe haŋa mai ꞌi ruŋa i te ꞌamuramaꞌa nei.

Iovani 13:21

I oti era i te kī i te meꞌe nei, he ŋaroꞌa e Ietū i te māui-ui ꞌi roto i tōꞌona māhatu, ꞌe he kī: «Nā e tahi o kōrua he vaꞌai i a au ki te nuꞌu».

Iovani 13:22

He haꞌamata ia te nuꞌu hāpī ꞌa Ietū he uꞌi-uꞌi ki a rāua ꞌā; ꞌina he aŋi-aŋi o ruŋa i a ai e vānaŋa era.

Iovani 13:26

He pāhono e Ietū: —ꞌĪ a au he haka ruku e tahi parehe haraoa; kope era ki a ia a au ka vaꞌai nei, ko ia. ꞌI tū hora ꞌā he haka ruku a Ietū e tahi parehe haraoa ꞌe he vaꞌai ki a Hura, he poki ꞌa Tīmona Ikariote.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 15:19

ꞌĀhani kōrua o te nuꞌu era ꞌā, ko te haŋa iŋa atu ꞌana, pa he haŋa iŋa ki te rāua nuꞌu. ꞌĀꞌaku kōrua i haꞌataꞌa mai mai roto i a rāua, ꞌo ira e maꞌu ena i te riri mo kōrua, ꞌo te taꞌe ai haka ꞌou kōrua o rāua.

Iovani 15:25

Hai oho iŋa nei o rāua e haka tano ena te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “E maꞌu tahaŋa nō ꞌana i te riri mōꞌoku”.

Iovani 17:12

Hora taꞌatoꞌa ōꞌoku ꞌi muri i a rāua ꞌi te ao nei, e hāpaꞌo nei e au hai pūai vaꞌai mai e koe ꞌo haꞌataꞌa mai muri i a koe. ꞌE ꞌina a rāua kai haꞌataꞌa, he kope mau nō era ko tāpaꞌo era ꞌā mo te pōꞌauahi mo tano o te meꞌe kī ꞌi ruŋa i te ⌊Pāpaꞌi Moꞌa⌋.

Iovani 18:32

Te meꞌe nei i topa ai ki tano ai te meꞌe kī e Ietū pē hē a ia ka mate era.

Iovani 19:24

he kī e tū ŋā vaꞌehau era ki a rāua ꞌā: «ꞌIna tātou ko ihi-ihi. Mai ki pere ki uꞌi ki a ai ana topa». Pē ira i tano ai te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «Ko tuhaꞌa ꞌana ki a rāua ꞌā i tōꞌoku kahu, ꞌe ko pere ꞌana i tōꞌoku kahu roa-roa». He meꞌe nei te meꞌe i aŋa e te vaꞌehau.

Iovani 19:36

Te ŋā meꞌe nei i topa ai mo haka tano o te meꞌe kī ꞌi ruŋa i te Pāpaꞌi Moꞌa pē nei ē: «E ko ha-hati e tahi ivi».

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

Aŋa o te ꞌĀpōtoro 1:2

ꞌātā ki te mahana iri ōꞌona ki te raŋi. Kai iri ꞌā i haka ꞌite rō ai hai Vārua Maitai ki tāꞌana nuꞌu haꞌataꞌa he ⌊ꞌāpōtoro⌋ i te meꞌe o rāua mo aŋa.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.