Iovani 13:17 - Rapa Nui

¹⁷ Mo aŋi-aŋi o kōrua i tāꞌaku meꞌe hāpī atu ena ꞌe mo aŋa i rā ŋā meꞌe, he haꞌamaitai kōrua e te ꞌAtua.

Iovani 13:17 ပူးပေါင်းရင်းမြစ်များ

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Iovani 15:14

Mo aŋa kōrua i tāꞌaku meꞌe nei e kī atu ena, he repahoa parautiꞌa mau ꞌā kōrua ōꞌoku.

Rōmano 2:13

Taꞌe he nuꞌu tano ki te mata o te ꞌAtua te nuꞌu haka roŋo nō i te haka tere iŋa ꞌa Mōtē. Te nuꞌu tano ki tōꞌona mata he nuꞌu haka roŋo ꞌe haꞌatura ki rā haka tere iŋa.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Tanatiako 1:25

ꞌE te kope taꞌe rehu te meꞌe ŋaroꞌa, hāpī mo ꞌata ꞌite ōꞌona o ruŋa i te haka tere iŋa hopeꞌa o te tī-tika haka eꞌa i te taŋata mai roto i te hara, haka tano tahi i te meꞌe aŋa ki te meꞌe kī e rā roŋo, he haꞌamaitai e te ꞌAtua ꞌi tāꞌana meꞌe taꞌatoꞌa aŋa.

Tanatiako 4:17

Te kope ꞌite i te meꞌe riva-riva mo aŋa ꞌe ꞌina he aŋa, e hara ꞌā.

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.