Iovani 13:10 - Rapa Nui

¹⁰ He pāhono e Ietū: —Te taŋata hopu iho, ¿mo aha ꞌā ana hopu haka ꞌou? E maꞌitaki rō ꞌā, paꞌi. He vaꞌe nō te meꞌe mo hopu. ꞌE a kōrua e maꞌitaki rō ꞌana, ka ai atu e tahi o roto o kōrua taꞌe pē ira.

Iovani 13:10 ပူးပေါင်းရင်းမြစ်များ

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Iovani 13:18

»Te meꞌe kī atu ena e au taꞌe mo kōrua taꞌatoꞌa. Ko ꞌite riva-riva ꞌana e au ko ai ko ai tāꞌaku meꞌe i toꞌo mo taŋata hāpī ꞌāꞌaku. I aŋa ai pē ira mo tano ki te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “Te kope kai ararua māua, ko hārui mai ꞌā i a au hai tuaꞌivi”.

Iovani 13:9

He kī e Pētero: —¡Mo ai ia pē ira, taꞌe nō he vaꞌe taꞌa meꞌe mo haka hopu mai; ka haka hopu takoꞌa mai tōꞌoku rima ꞌe tōꞌoku pūꞌoko!

Iovani 15:3

A kōrua, ꞌi te ⌊haka moe i te manaꞌu⌋ ꞌi ruŋa i tāꞌaku vānaŋa, ko maꞌitaki ꞌana pa he ŋā maŋa era ko tope-tope riva-riva ꞌana.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

Tanatiako 3:2

A tātou, te taŋata taꞌatoꞌa e hape rahi rō ꞌā. ꞌE mo ai tāꞌue o te kope taꞌe hape ꞌi tāꞌana meꞌe kī, he taŋata ꞌina e tahi hape ia ꞌi muꞌa o te ꞌAtua ꞌe he taŋata ꞌite mo haka noho i a ia ꞌo hara.