Iovani 13:1 - Rapa Nui

¹ Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 13:1 ပူးပေါင်းရင်းမြစ်များ

Māteo 26:45

He hoki ia ki te kona ꞌi ira tū nuꞌu era ꞌe he kī: «¿E hāꞌuru ꞌana a kōrua e haka ora ꞌā? Ko tano ꞌā te hora o te Poki o te taŋata mo vaꞌai ki te rima o te nuꞌu hara.

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Ruka 22:53

Paurō te mahana ꞌi muri i a kōrua ꞌana a au ꞌi te Kona Haꞌamuri ꞌAtua, ꞌe ꞌina kōrua he ꞌa-ꞌaru i a au. ꞌE, hora mau nei ꞌā he pō, he hora o kōrua, he hora o Rukifero».

Ruka 9:51

I hāhine era te mahana o Ietū mo iri ki te raŋi, he ŋatu mau rō ꞌai te haŋu mo tuꞌu ki Hērutarema.

Iovani 11:55

Mahana taꞌe rahi nō te mahana toe mo te ⌊ŋoŋoro o te Pakate⌋, ꞌe meꞌe rahi taŋata e oho era ki Hērutarema mo ⌊haka maꞌitaki⌋ i a rāua pa he meꞌe kī e te rāua haka tere iŋa, he meꞌe raꞌe o rāua mo aŋa ki te tuꞌu iŋa mai o rā ŋoŋoro.

Iovani 12:23

He kī ia e Ietū: «Ko tano ꞌā te hora mo haka takeꞌa i te pūai ꞌe i te nui-nui o te ⌊Poki o te taŋata⌋.

Iovani 13:29

ꞌE, ꞌi te ai ꞌa Hura te hāpaꞌo i te rāua pūtē moni, he manaꞌu e te tētahi o rā nuꞌu e kī ꞌā a Ietū mo hoꞌo hai meꞌe mo te ŋoŋoro, ꞌo mo vaꞌai hai moni mo te veve.

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 14:28

Ko ŋaroꞌa ꞌana e kōrua i tōꞌoku kī iŋa atu he oho a au ꞌe he hoki haka ꞌou mai ki a kōrua. ꞌĀhani e haŋa parautiꞌa rō mai ꞌana a kōrua, ko koa takoꞌa ꞌana ꞌo te ꞌite he oho a au ki te Matuꞌa; a ia, paꞌi, ꞌata hau rō atu ki a au.

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 17:16

A rāua taꞌe o te nuꞌu o te ao nei taꞌe haka moe i te manaꞌu ꞌi ruŋa i a au, pa he taꞌe ai iŋa takoꞌa nei ōꞌoku o rā nuꞌu.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 18:4

ꞌI te ꞌite o Ietū i te meꞌe ka topa era ki a ia, i takeꞌa era i rā nuꞌu he haka hāhine he ꞌui: —¿Ki a ai rā kōrua e kimi ena?

Iovani 19:28

ꞌE, ꞌi te ꞌite o Ietū ko aŋa tahi ꞌana a ia i tāꞌana meꞌe mo aŋa, ꞌe ꞌi te haŋa mo haka tano i te meꞌe hāꞌaki o ruŋa o te Pāpaꞌi Moꞌa, he kī: «Ko pohe ꞌana a au ki te vai».

Iovani 2:13

ꞌI te meꞌe era ko hāhine ꞌana te ⌊ŋoŋoro o te hūrio he Pakate⌋, he eꞌa he oho a Ietū ki Hērutarema.

Iovani 6:4

Te ⌊ŋoŋoro o te Pakate⌋ ko hāhine ꞌā.

Iovani 7:30

He haŋa ia tū nuꞌu era mo ꞌa-ꞌaru i a Ietū, ꞌe, ꞌina e tahi o rāua i rao i ꞌa-ꞌaru ꞌo te ai kai tano ꞌana tōꞌona hora.

Iovani 7:6

He kī e Ietū: —Kai tano ꞌā tōꞌoku hora mo oho, ꞌe mo kōrua taꞌatoꞌa nō hora e tano rō ꞌā.

Iovani 8:20

Te meꞌe nei i kī ai e Ietū ꞌi te hora hāpī ꞌi te Kona Haꞌamuri ꞌAtua, hāhine ki te ꞌavahata haka rē moni. ꞌE, ꞌina e tahi nuꞌu i ꞌa-ꞌaru i a Ietū ꞌi te meꞌe era kai tano ꞌā tōꞌona hora.

Rōmano 8:37

Ka ai atu e topa rō mai ꞌana te ŋā ꞌati taꞌatoꞌa nei, ꞌina he rē mai ki a tātou; e eꞌa nei, paꞌi, a tātou hai koa mai roto i te ꞌati hai pūai o te kope haŋa rahi mai.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

ꞌEvereo 6:11

E haŋa rō ꞌana a mātou mo aŋa mo oho nō o kōrua pē nā, ꞌe mo ŋatu mo oho i te kōrua haŋu ki te meꞌe hōrea atu e te ꞌAtua ꞌātā ka haka tano tahi rō e ia.

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.